កីឡាហាប់គីដូកម្ពុជាកំពុងពង្រឹងខ្លួនបណ្ដើរៗ ដើម្បីសម្រេចបំណងធំៗនៅពេលខាងមុខ
- 2018-02-12 04:49:28
- ចំនួនមតិ 0 | ចំនួនចែករំលែក 0
កីឡាហាប់គីដូកម្ពុជាកំពុងពង្រឹងខ្លួនបណ្ដើរៗ ដើម្បីសម្រេចបំណងធំៗនៅពេលខាងមុខ
ចន្លោះមិនឃើញ
កីឡាហាប់គីដូកម្ពុជាកំពុងពង្រឹងខ្លួន ក៏ដូចជាសមាជិក និងធនធានជាបណ្ដើរៗ ដើម្បីជាការត្រៀមខ្លួនឲ្យបានល្អ និងសម្រេចគោលបំណងធំឲ្យចូលជាកីឡារបស់គណៈកម្មាធិការជាតិអូឡាំពិកកម្ពុជា និងបានឱកាសដាក់ចូលស៊ីហ្គេម ២០២៣។
លោក ម៉ក់ សំអុល ប្រធានសហព័ន្ធហាប់គីដូ បានឲ្យដឹងថា ឥលូវនេះខាងសហព័ន្ធកំពុងតែរៀបចំខ្លួនជាបណ្ដើរៗហើយ ជាក់ស្ដែងដូចជាម្សិលមិញនេះ មានជាកម្មវិធីប្រគល់សញ្ញាប័ត្រទៅដល់សិស្សគុនមួយចំនួន និងផ្ដល់លិខិតថ្លែងអំណរគុណដល់សមាជិកទ្រទ្រង់ឲ្យមានដំណើរការដល់សព្វថ្ងៃនេះ។ មិនត្រឹមតែជាកម្មវិធីប្រគល់សញ្ញាប័ត្រប៉ុណ្ណោះទេ គឺជាការជួបជុំគ្រួសារហាប់គីដូពីមុនៗមក និងពិភាក្សាគ្នាដើម្បីធ្វើយ៉ាងណាដើម្បីសម្រេចបំណងបញ្ចូលកីឡាមួយនេះឲ្យទទួលស្គាល់ជាផ្លូវការពីក្រសួងផងដែរ។
ប្រធានសហព័ន្ធរូបនេះបន្តថា ដើម្បីសម្រេចបំណងធំៗនេះ សហព័ន្ធត្រូវតែអនុវត្តចំណុចសំខាន់ៗទាំងនេះ គឺ ធនធានកីឡាករ រចនាសម្ព័ន្ធ ភាពរីកចម្រើន និងការគាំទ្រពីសំណាក់ប្រទេសផ្សេងៗ ដូច្នេះហើយសហព័ន្ធកំពុងតែធ្វើលើកិច្ចការទាំងអស់នេះហើយ ព្រោះនៅឆ្នាំ២០២១ គណៈកម្មការជាតិអូឡាំពិក និងក្រសួងអប់រំ យុវជន និងកីឡា នឹងធ្វើការត្រួចពិនិត្យដើម្បីឲ្យបានចូលរួមក្នុងព្រឹត្តិការណ៍កីឡាជាតិ ឬ ស៊ីហ្គេម ពេលកម្ពុជាធ្វើម្ចាស់ផ្ទះផងដែរ។
ពិធីជួបជុំ និងចែកសញ្ញាប័ត្រដល់សិស្សគុនហាប់គីដូនេះធ្វើឡើងនៅរសៀលថ្ងៃទី១១ ខែកុម្ភៈ ឆ្នាំ២០១៨ ក្នុងសមាគមកីឡាក្រសួងមហាផ្ទៃ ដែលមានប្រធានសហព័ន្ធហាប់គីដូកម្ពុជា រួមនិងសិស្សចាស់ៗ សរុបប្រហែល ៣០នាក់ ផងដែរ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
