ត្រឹមបញ្ចាំងថ្ងៃដំបូង រឿងភាគសម្ដែងដោយ Tao និង Yang Mi ល្បីមិនធម្មតា

2018-02-13 03:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

វត្តមានសម្ដែងរឿងថ្មីរបស់តារាប្រុសស្រីចិន Huang Zitao និង Yang Mi ពិតជាក្លាយជាទស្សនីយភាពពិសេសមួយទៀតសម្រាប់វិស័យភាពយន្តភាគចិន។

បង្ហាញខ្លួនក្នុងរឿងភាគដំបូងនេះ Tao ដែលជាអតីតសមាជិកក្រុម EXO មានក្ដីរំភើបជាខ្លាំង ពិសេសបានចាប់ដៃគូជាមួយតារារៀមច្បង Yang Mi ទៀត។ តារាប្រុសរូបនេះ ត្រូវមហាជនជាច្រើនស្គាល់ច្បាស់តាមរយៈការបង្ហាញទេពកោសល្យច្រៀងរបស់លោកនាពេលកន្លងមក។ មិនតែប៉ុណ្ណោះ Tao ក៏មានសមត្ថភាពសម្ដែងពិសេសដែរ ហើយពេលនេះលោកចង់ស្វែងរកបទពិសោធន៍ថ្មីចេញពីការសម្ដែង រឿងភាគក្នុងនាមជាតួឯកប្រុសវិញ។

យ៉ាងណាមិញ រឿងដែល Tao និង Yang Mi សម្ដែងមានចំណងជើងថា "The Negotiator” ជារឿងភាគរបស់ទូរទស្សន៍ Hunan TV និងជាស្នាដៃដឹកនាំរបស់អ្នកដឹកនាំ Liu Yizhi មានចំនួន ៤២ភាគ។ ត្រឹមបង្ហាញខ្លួនថ្ងៃដំបូងកាលពីថ្ងៃទិ ០៤ ខែកុម្ភៈ ប៉ុន្តែសន្ទុះនៃការទស្សនាមានច្រើនគួរសម។ នេះបញ្ជាក់បានថា រឿងនេះក៏ នឹងទទួលជោគជ័យមិនចាញ់រឿងភាគល្បីៗផ្សេងទៀតដែរ៕