ខ្លាំងមែន យ៉ាន់ ពិសី វ៉ាដាច់សេះជាង១០ក្បាល យកលេខ១ ប្រណាំងសេះ ខែកុម្ភៈ
- 2018-02-13 03:10:32
- ចំនួនមតិ 0 | ចំនួនចែករំលែក 0
ខ្លាំងមែន យ៉ាន់ ពិសី វ៉ាដាច់សេះជាង១០ក្បាល យកលេខ១ ប្រណាំងសេះ ខែកុម្ភៈ
ចន្លោះមិនឃើញ
កីឡាករ យ៉ាន់ ពិសី ទទួលបានចំណាត់ថ្នាក់លេខ១ក្នុងការប្រណាំងសេះពូល C នាខែកុម្ភៈឆ្នាំ២០១៨នេះ ក្នុងការប្រកួតកីឡាប្រណាំងសេះ Smart Lan Home Champions រដូវកាលទី៣។
មិនខុសពីរាល់ខែឡើយ នៅខែកុម្ភៈនេះ ការប្រកួតបែងចែកជា២ពូល មានពូល C និង D ។ ដោយសេះពូល C ជាសេះកម្រិតមធ្យមមានកម្ពស់ចាប់ពី១,៥ម៉ែត្រឡើងទៅ។ ក្នុងពូលនេះដែរ មានសេះសរុបជាង១០ក្បាលប្រកួតប្រជែងគ្នាដណ្ដើមយកចំណាត់ថ្នាក់លេខ១។ ជាលទ្ធផលសេះឈ្មោះ Don Ti Na ដែលមានកម្ពស់ ១,៥០ ម៉ែត្រដែលជិះដោយកីឡាករ យ៉ាន់ ពិសី ជាអ្នកទទួលចំណាត់ថ្នាក់លេខ១។
ក្រោយទទួលបានជ័យជម្នះ ពិសី ក្រោមការណែនាំរបស់លោក អឿន សុផល បានបញ្ជាក់ថាខ្លួនបានបញ្ចេញសមត្ថភាពដែលមានទាំងអស់ដើម្បីទទួលបានលទ្ធផលល្អនៅថ្ងៃនេះ។ ការជិះសេះក្នុងស្រុកមិនមែនជារឿងងាយស្រួលឡើយ ទម្រាំតែអាចយល់ចិត្តគ្នាបានត្រូវប្រើពេលច្រើនខែ។ ប៉ុន្តែបើសេះយកមកពីបរទេសវិញ ហាក់ដូចជាងាយស្រួលជាង ព្រោះវាសុទ្ធតែបានហ្វឹកហាត់ឬកាន់ដោយមនុស្សច្រើន។
នេះមិនមែនជាលើកទី១ទេ ដែលកីឡាករវ័យ២៣ឆ្នាំរូបនេះទទួលបានចំណាត់ថ្នាក់លេខ១។ ពិសី ធ្លាប់បញ្ជាសេះកម្រិតអន្តរជាតិថែមទៀត ដោយកាលពីរដូវកាលមុន គេជិះសេះក្នុងពូល A ដូចជា Carino និង PP3 ជាដើម ហើយក៏ទទួលបានចំណាត់ថ្នាក់លេខ១ផងដែរ។
សម្រាប់ការប្រកួតនៅខែកុម្ភៈនេះ ពូល C សេះដែលបានលេខ១ Don Ti Na អមជាមួយប្រាក់រង្វាន់ ៧០ ម៉ឺនរៀល ខណៈលេខ ២ បានទៅសេះឈ្មោះ NA VA RA និងលេខ ៣ បានទៅសេះ Man DO ZA៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
