បឺត សង្ឃឹម ចូលវ៉ៃពាននៅ TV5 លើកទី៣ រំពឹងលទ្ធផលផ្ទុយនឹងពីរលើកមុន
- 2018-02-13 08:10:29
- ចំនួនមតិ 0 | ចំនួនចែករំលែក 0
បឺត សង្ឃឹម ចូលវ៉ៃពាននៅ TV5 លើកទី៣ រំពឹងលទ្ធផលផ្ទុយនឹងពីរលើកមុន
ចន្លោះមិនឃើញ
អ្នកលេងគុនខ្មែរ បឺត សង្ឃឹម បានចូលលេងពានរង្វាន់ TV5 ម្ដងនេះជាលើកទី៣ហើយ រំពឹងថាទទួលបានលទ្ធផលល្អ ជាងពីរលើកចោះ ឥលូវស្នៀតប្រកួតក៏រីកចម្រើនជាងមុនទៅទៀត ខណៈការហ្វឹកហាត់ខ្លាំងជាងមុន។
បឹត សង្ឃឹម បានឲ្យដឹងថា បើនិយាយពីពានរង្វាន់របស់សង្វៀន TV5 នេះ រូបគេធ្លាប់ចូលរួមលេងបានពីរលើកមកហើយ គឺទម្ងន់៥៧ និង ៦០គីឡូក្រាម ប៉ុន្តែមិនបានឈ្នះពាននោះឡើយ ច្រើនបំផុតគឺបានលេខ៣។ តាមរយៈជ័យជម្នះផ្ដួលដៃគូឲ្យសន្លប់ទឹកទី១កាលពីថ្ងៃសៅរ៍នេះ អ្នកប្រដាល់វ័យក្មេងរូបនេះសង្ឃឹមថានឹងធ្វើបានល្អនាប្រកួតបន្ទាប់ទៀត។
កូនសិស្ស បឺត ខាំ ខាងលើប្រាប់ទៀតថា បេក្ខភាពលេងពានរង្វាន់ TV5 Knock Out Series By Kcement ម្ដងនេះ ភាគច្រើនសមត្ថភាពមិនហួសខ្លួនឡើយ ប៉ុន្តែក៏មានអ្នកខ្លាំងមួយចំនួនដែរ។ សម្រាប់ការប្រកួតពានរង្វាន់លើកនេះ រូបគេក៏មិនបណ្ដោយនោះដែរ គឺព្យាយាមហ្វឹកហាត់ខ្លាំង ដើម្បីយកជ័យជម្នះឆ្លងពីមួយវគ្គទៅមួយវគ្គទៀត។
បឺត សង្ឃឹម ជាកូនសិស្សរបស់ជើងខ្លាំងសំបូរល្បិចស្នៀតប្រយុទ្ធ បឺត ខាំ និងជាបេក្ខភាពម្នាក់ទៀតដែលឡើងទៅវគ្គទី២ ក្រោយផ្ដួលកីឡាករ នួន រ៉ាថេន ឲ្យសន្លប់ធំក្នុងទឹកទី១ នៃកម្មវិធីដណ្ដើមពានរង្វាន់ Knock Out Series By Kcement កាលពីថ្ងៃសៅរ៍ ទី១០ កុម្ភៈ ឆ្នាំ២០១៨៕