គន្លឹះទាំង ១០ ជួយលើកទឹកចិត្តអ្នកឲ្យក្លាយជាមនុស្សជោគជ័យ
- 2018-02-13 08:46:40
- ចំនួនមតិ 0 | ចំនួនចែករំលែក 0
គន្លឹះទាំង ១០ ជួយលើកទឹកចិត្តអ្នកឲ្យក្លាយជាមនុស្សជោគជ័យ
ចន្លោះមិនឃើញ
មនុស្សគ្រប់រូបតែងមានបំណងប្រាថ្នា ដើម្បីទទួលបានជោគជ័យក្នុងរឿងដែលខ្លួនកំពុងធ្វើ។ បំណងប្រាថ្នានេះ គឺដើម្បីភាពរីកចម្រើន និងការសម្រេចក្តីស្រមៃរបស់ពួកគេឲ្យក្លាយជាការពិត។ ទោះជាយ៉ាងណាក៏ដោយ ដើម្បីទទួលបានជោគជ័យក្នុងរឿងទាំងនេះ អ្នកក៏ត្រូវការការលើកទឹកចិត្តក្នុងគ្រាណាមួយផងដែរ។
ខាងក្រោមនេះគឺជាគន្លឹះទាំង ១០ ជួយលើកទឹកចិត្តអ្នកឲ្យក្លាយជាមនុស្សជោគជ័យ៖
១. ជារឿយៗ ការស្រមើលស្រមៃ នឹងក្លាយជាការពិត
ចូរស្រមើលស្រមៃពីស្ថានភាពជាក់លាក់ណាមួយ ម្ដងហើយម្ដងទៀតជាមួយក្ដីស្រលាញ់ និងភាពរីករាយ។ មិនយូរមិនឆាប់ អ្នកនឹងអាចទាក់ទាញអ្វីមួយនោះឲ្យចូលមកក្នុងជីវិត ប៉ុន្តែចូរកុំឲ្យមានគំនិតប្រឆាំងគ្នានៅក្នុងខួរក្បាលរបស់អ្នកឲ្យសោះ។
២. អ្វីដែលអ្នកធ្វើរាល់ថ្ងៃ នឹងក្លាយជាទម្លាប់
ចូរជ្រើសរើសទម្លាប់មួយដែលអាចធ្វើឲ្យអ្នកជោគជ័យ ហើយព្យាយាមធ្វើវាជារៀងរាល់ថ្ងៃ។ មានទម្លាប់ជាច្រើនដែលអ្នកអាចចាប់ផ្ដើមធ្វើឥឡូវនេះ ដូចជាការគិតវិជ្ជមាន, ការគោរពពេលវេលា, ការពិចារណាច្រើនជាងមុន ឬមានភាពអត់ធ្មត់ក្នុងស្ថានភាពលំបាក ជាដើម។
៣. កុំបណ្ដោយឲ្យអារម្មណ៍ គ្រប់គ្រងជីវិតរបស់អ្នក
ការបណ្ដោយឲ្យអារម្មណ៍គ្រប់គ្រងជីវិត គឺប្រៀបដូចជាការអង្គុយនៅក្នុងទូក ហើយឲ្យទឹករលកបោកបក់តាមចិត្តអីចឹង។ ប៉ុន្តែ ការអភិវឌ្ឍភាពខ្លាំងពីខាងក្នុង និងវិន័យផ្ទាល់ខ្លួន គឺប្រៀបដូចជាការបំពាក់ម៉ាស៊ីនឲ្យទូករបស់អ្នក។ ជាមួយនឹងម៉ាស៊ីននេះ អ្នកនឹងអាចបញ្ជាទូកឲ្យទៅដល់គោលដៅដែលអ្នកចង់ទៅ។
៤. ពេលខ្លះ រឿងដែលត្រឹមត្រូវបំផុត គឺការកម្ចាត់ឧបសគ្គចេញពីផ្លូវ
ជួនកាល វិធានការដែលល្អបំផុតសម្រាប់អ្នក គឺការប្រឹងជម្នះឧបសគ្គ។ ប៉ុន្តែ មានពេលខ្លះទៀត អ្នកត្រូវមានភាពវៃឆ្លាត ដោយស្វែងរកផ្លូវ ឬគោលដៅថ្មី។
៥. កុំអស់សង្ឃឹម
មិនថាជួបប្រទះរឿងលំបាកប៉ុណ្ណានោះទេ អ្នកមិនត្រូវអស់សង្ឃឹមដាច់ខាត ព្រោះវាប្រៀបដូចជាខ្សែពួរ ដែលយោងអ្នកឲ្យឡើងទៅខាងលើ។ ក្ដីសង្ឃឹម គឺជាជណ្ដើរដែលនាំអ្នកឲ្យសម្រេចសុបិន និងការរំពឹង។
៦. ព្យាយាមស្វែងរកអត្ថន័យក្នុងសៀវភៅ
នៅពេលអ្នកកំពុងអានសៀវភៅ ឬអត្ថបទលើកទឹកចិត្តណាមួយ ចូរព្យាយាមស្វែងរកអត្ថន័យរបស់វាឲ្យឃើញ។ ការអានពីមួយពាក្យទៅមួយពាក្យ នឹងធ្វើឲ្យអ្នកយល់ ប៉ុន្តែការដើម្បីស្វែងរកអត្ថន័យរបស់វា នឹងធ្វើឲ្យអ្នកកើនប្រាជ្ញា។
៧. ដើម្បីបានលទ្ធផលវិជ្ជមាន តាមរយៈការគិតវិជ្ជមាន អ្នកត្រូវធ្វើសកម្មភាពវិជ្ជមាន
ការគិតវិជ្ជមាន នឹងធ្វើឲ្យអ្នកសប្បាយចិត្ត, មានភាពសុទិដ្ឋិនិយម និងរកឃើញឱកាសផ្សេងៗ។ ប៉ុន្តែ អ្នកក៏ត្រូវធ្វើសកម្មភាពវិជ្ជមានផងដែរ ដើម្បីឲ្យការគិតនេះនាំអ្នកទៅរកភាពជោគជ័យ។
៨. ទោះបីជាអ្នកក្រក៏ដោយ ក៏អាចជោគជ័យបានដែរ
អ្នកប្រាកដជាអាចទៅដល់កន្លែងណាមួយ ដែលអ្នកចង់ទៅ ប្រសិនបើអ្នកមានគោលបំណងច្បាស់លាស់, ការផ្ដោតអារម្មណ៍ និងការស្រមើស្រមៃខ្ពស់។ ជាមួយនឹងជំនឿ និងការតាំងចិត្ត អ្នកប្រាកដជាអាចផ្លាស់ប្តូរជីវិតរបស់អ្នកបាន។
៩. រៀនបង្កើនអាកប្បកិរិយាស្ងប់ស្ងាត់ និងបើកចំហរ
ការធ្វើខ្លួនឲ្យមានភាពស្ងប់ស្ងាត់ និងបើកចំហ នឹងអាចនាំអ្នកទៅកាន់ឱកាសថ្មី, គំនិតថ្មី, ការផ្ដោតលើគោលដៅ និងអាចមើលរឿងផ្សេងៗពីចំណុចថ្មី។ ការធ្វើដូច្នេះ នឹងបង្កើនឱកាសរបស់អ្នកដើម្បីទទួលបានជោគជ័យ។
១០. ចាត់ទុកពេលវេលារបស់អ្នកឲ្យដូចលុយក្នុងធនាគារ
ពេលវេលាដែលកន្លងហួសទៅជារៀងរាល់ថ្ងៃ ប្រៀបដូចជាលុយដែលអ្នកដកពីកុងធនាគារអីចឹង ដូច្នេះហើយចូរប្រើប្រាស់វាឲ្យបានត្រឹមត្រូវ។ ចូរចំណាយពេលវេលារបស់អ្នកទៅធ្វើរឿងមានប្រយោជន៍ដូចជា ជួយខ្លួនឯង, ផ្ដល់តម្លៃបន្ថែមឲ្យជីវិត និងជួយអ្នកដទៃជាដើម៕
ចុចអាន ៖
ចរិតអាក្រក់មួយ អ្នកធ្វើការគួរចៀសវាង ទោះទៅដល់ទីណាក៏មិនដាច់បាយដែរ
បុគ្គលិកថ្មី ចៀសឲ្យបានដាច់ខាតកំហុស ៩យ៉ាង បើចង់ជាប់ពេញសិទ្ធិ