មុខភូមិគ្រឹះសម្ដេច មានឡានមួយចតចោលរាល់ថ្ងៃ កុំច្រឡំរេចង្កូតចូលប្រយ័ត្នទឹកភ្នែក

2018-02-14 01:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ទោះបីជារថយន្តសមត្ថកិច្ចនៅចាំដឹកម៉ូតូ អ្នកជិះបញ្ច្រាសនៅរង្វង់មូលវិមានឯករាជ្យ មុខភូមិគ្រឹះសម្ដេចតេជោ ហ៊ុន សែន រាល់ថ្ងៃតាំងពីព្រឹកទល់យប់យ៉ាងណាក្ដី ក៏នៅតែមានអ្នកជិះឲ្យចាប់មិនលស់ថ្ងៃឡើយ។

រូបភាព៖ រដ្ឋបាលខណ្ឌដូនពេញ

អាជ្ញាធរខណ្ឌដូនពេញ បានឲ្យដឹងថា សមត្ថកិច្ចតែងប្រចាំការនៅបរិវេណនោះ ដើម្បីចាប់អ្នកជិះបញ្ច្រាសចាប់ពីវេលាម៉ោង ៧ព្រឹក រហូតដល់ម៉ោង១០យប់។ យានយន្តដែលចាប់បាន ត្រូវបញ្ជូនទៅការិយាល័យចរាចរណ៍ ជើងគោកនៃស្នងការដ្ឋាននគរបាលរាជធានីភ្នំពេញ ដើម្បីធ្វើការអប់រំណែនាំនិងពិន័យតាមនីតិវិធី។

រូបភាព៖ រដ្ឋបាលខណ្ឌដូនពេញ

ដូច្នេះហើយ សូមអ្នកដំណើរទាំងឡាយត្រូវគោរពច្បាប់ឲ្យបានខ្ជាប់ខ្ជួន មិនត្រូវជិះបញ្ច្រាស និងពាក់មួកសុវត្ថិភាពគ្រប់ពេលបើកបរចំពោះម៉ូតូ មិនថាជិតឬឆ្ងាយ តំបន់ណានោះទេ ទោះគ្មានសមត្ថកិច្ចចាំចាប់ពិន័យដឹកដាក់ឡានក៏ដោយ៕

ចុចអាន៖

អត្ថបទ៖ វឌ្ឍនៈ