ក្រុមហ៊ុនដៃគូ Apple ចង់ងាកផលិតកាមេរ៉ាវិញម្តង លក់តម្លៃធូរៗដល់អតិថិជន

2018-02-14 04:17:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ដៃគូសំខាន់បំផុតរបស់ក្រុមហ៊ុន Apple ដែលត្រូវបានគេស្គាល់ជា Foxconn បានប្រកាសពីគោលបំណងក្នុងការផលិតកាមេរ៉ាដែលអាចថតវីដេអូនូវគុណភាពខ្ពស់ តម្លៃសមរម្យជាមួយក្រុមហ៊ុន RED Digital Cinema។

ថ្លែងនាពិធីជប់លៀងស្ថាបនិកក្រុមហ៊ុនតៃវ៉ាន់លោក Terry Gou បានប្រកាសថាក្រុមហ៊ុនទាំង ២ នឹងពិភាក្សាលើគោលដៅផលិតកាមេរ៉ាអាចថតភាពយន្តដល់កម្រិត 8K ជាមួយតម្លៃត្រឹម ១ ភាគ ៣ នៃពពួកកាមេរ៉ាបច្ចុប្បន្ន បន្សំនឹងទំហំតួខ្លួនក៏ដូចគ្នា។

ជាផលចំណេញខណៈទើបតែទិញផ្នែកផ្គត់ផ្គង់នៃក្រុមហ៊ុន Sharp ដែលផ្តល់ឲ្យ Foxconn មានឱកាសផលិតគ្រឿងបង្គំសម្រាប់កាមេរ៉ាឌីជីថលនិងអេក្រង់ ដូចជាបច្ចេកវិទ្យាឈីបក្នុងការបញ្ចូលជាមួយ Image Sensors។

រំឭកដែរថា Foxconn បច្ចុប្បន្នជាអ្នកផ្គត់ផ្គង់ដំឡើង iPhone ឲ្យ Apple ប្រមាណ ៧០ ភាគរយនៃចំនួនលក់សរុប ដោយស្មើនឹង ៥០ ភាគរយនៃទំហំអាជីវកម្មរបស់ខ្លួន ប៉ុន្តែក្រុមហ៊ុនចង់បានផលចំណេញមួយកម្រិតផ្សេងទៀត។ នេះបើតាមសារព័ត៌មាន Nikki Asian Review បានចុះផ្សាយ។