ពិភពលោកភ្ញាក់ផ្អើល ពេលឃើញតារាកូរ៉េខាងត្បូង ចូលសម្ដែងជាមួយតារាកូរ៉េខាងជើង

2018-02-13 13:37:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រទេសកូរ៉េខាងជើង និងខាងត្បូងបានធ្វើឲ្យពិភពលោកភ្ញាក់ផ្អើល នៅពេលពួកគេវិលមករួបរួមគ្នានៅលើឆាកប្រគំតន្ត្រី ដោយមានតារាចម្រៀងកូរ៉េខាងត្បូងដ៏ល្បី និងក្រុមចម្រៀងកូរ៉េខាងជើង បានសម្ដែងរួមគ្នា លើឆាកតែមួយ។

ចំណុចគួរចាប់អារម្មណ៍ បានកើតឡើងនៅវគ្គចុងក្រោយនៃការសម្ដែងពិសេសរបស់ក្រុមតន្ត្រីកូរ៉េខាងជើង Samiyeon Band ក្នុងការប្រកួតកីឡាអូឡាំពិករដូវរងា ២០១៨ នៅទីក្រុង PyeongChang ប្រទេសកូរ៉េខាងត្បូង។ពេលនោះ អ្នកទស្សនាភ្ញាក់ផ្អើលយ៉ាងខ្លាំងនឹងវត្តមានរបស់តារាចម្រៀងកូរ៉េខាងត្បូងចូលរួមសម្ដែងដែរ។

តាមផលិតកម្មរបស់ Seohyun បានឲ្យដឹងថាតារាចម្រៀងSeohyun គឺមិនបានត្រៀមអ្វីមុនទេ ព្រោះនាងត្រូវបានខាងអ្នករៀបចំកម្មវិធី Blue House អញ្ជើញឲ្យសម្ដែងនៅចំថ្ងៃសម្ដែងតែម្ដង។ ខាងBlue House គ្រាន់តែប្រាប់ថា “ពូកយើងចង់ឲ្យខាងអ្នកចូលរូមច្រៀងក្នុងកម្មវិធីពួកយើង ប្រសិនបើខាងអ្នកអាចមកបាន”។

បើតាមអនុប្រធានក្រុមការងារខាងរដ្ឋាភិបាលចុះជួយរៀបចំកម្មវិធីប្រកួតកីឡាអូឡាំពិកនៅព្យុងយ៉ាង លោក Kwon Kyuk Ki បានបកស្រាយថា តារាចម្រៀង Seohyunគឺជាជម្រើសដ៏ល្អ ព្រោះថាក្រុមតន្ត្រីប្រទេសកូរ៉េខាងជើងគឺសុទ្ធតែនារី ដូច្នេះខាងកម្មវិធីចង់បានអ្នកណាដែលអាចសម្ដែងជាមួយក្នុងពេលដ៏ខ្លីនេះបាន។

ចំណែកខាងតារាកូរ៉េខាងជើងវិញ មុនដំបូងគឺបដិសេធ មិនឲ្យតារាកូរ៉េខាងត្បូងSeohyun ចូលសម្ដែងជាមួយទេ ព្រោះថាការសម្រេចចិត្តដាក់តារាកូរ៉េខាងត្បូងចូលសម្ដែងនេះ គឺធ្វើឡើងភ្លាមៗពេក។ ទោះជាយ៉ាងណា ក្រោយពីបានប្រាប់ពីហេតុផលថាការសម្ដែងនេះ គឺពួកគេអាចបង្កើតឲ្យមានការរួបរួមនៃប្រទេសទាំងពីរនៅលើឆាកបាន ពួកក្រុមតន្ត្រីកូរ៉េខាងជើងក៏យល់ព្រម។