ស្ដាយសឹងបោកក្បាល ពេលដឹងថា Arsenal ធ្លាប់បដិសេធមិនយក Harry Kane
- 2018-02-14 02:29:11
- ចំនួនមតិ 0 | ចំនួនចែករំលែក 0
ស្ដាយសឹងបោកក្បាល ពេលដឹងថា Arsenal ធ្លាប់បដិសេធមិនយក Harry Kane
ចន្លោះមិនឃើញ
Harry Kane គឺជាម្ចាស់ស្បែកជើងមាស Premier League កាលពីឆ្នាំចាស់ ហើយរដូវកាលថ្មីរូបគេក៏កំពុងនាំមុខក្នុងតារាង Top Scorer។
តារាឆ្នើមវ័យក្មេងជំនាញជើងស្ដាំកំពុងទទួលការចាប់អារម្មណ៍ពីក្លឹបធំជាច្រើននៅអឺរ៉ុបដូចជា Real Madrid ជាដើម តែសាមីខ្លួនធ្លាប់ប្រកាសថានឹងមិនចាកចេញពី Tottenham Hotspur ដែលជាក្លឹបរបស់គេតាំងពីតូចនេះទេ។
យ៉ាងណា Kane មិនមែនហាត់នៅ Spurs តាំងពីយុវជនឡើយពោលគឺធ្លាប់ហាត់នៅ Arsenal ១ឆ្នាំដែរ តែត្រូវក្លឹបបដិសេធមិនបន្តកុងត្រាឲ្យ។ Liam Brady ជាគ្រូបង្វឹកថ្នាលរបស់ Arsenal ជំនាន់នោះបានឲ្យដឹងថាកាំភ្លើងធំមិនទទួលយក Kane នៅវ័យ៨ឆ្នាំដោយសាររូបគេមានគីឡូធ្ងន់ពេក។
Brady ប្រាប់កាសែតអ៊ីតាលី Corriere della Sera ថា៖ "ការពិតដូច្នោះមែន។ Kane ពេលនោះមានគីឡូធ្ងន់ មិនសក្ដិសមជាកីឡាករ ប៉ុន្តែគួរឲ្យសោកស្ដាយ ការសម្រេចចិត្តរបស់ពួកយើងគឺខុសស្រឡះ"៕