ខេមរៈ សិរីមន្ត ទៅកូរ៉េយប់មិញ Fan រោមស្ទើររើខ្លួនមិនរួច
- 2018-02-14 03:12:09
- ចំនួនមតិ 0 | ចំនួនចែករំលែក 0
ខេមរៈ សិរីមន្ត ទៅកូរ៉េយប់មិញ Fan រោមស្ទើររើខ្លួនមិនរួច
ចន្លោះមិនឃើញ
តារាចម្រៀងចំណូលថ្មីរបស់ផលិតកម្មរស្មីហង្សមាស លោក ខេមរៈ សិរីមន្ត យប់មិញនេះ បានឡើយយន្តហោះច្រៀងនៅប្រទេសកូរ៉េហើយ ជាមួយនឹងតារាកម្ពុជាជាច្រើនរូបទៀត។ អមដំណើរនៃការចាកចេញនេះ មានអ្នកគាំទ្ររបស់លោកជាច្រើនបានជូនដំណើរ គួបផ្សំភ្ញៀវនៅព្រលានយន្តហោះដែលបានឃើញតារាចម្រៀងនោះផងនោះ បានសុំថតស្ទើររើខ្លួនមិនរួចនោះឡើយ។
លោក ខេមរៈ សិរីមន្តបានថ្លែងឲ្យដឹងថា នេះជាលើកទី២ហើយដែលខ្លួនបានចេញទៅច្រៀងនៅប្រទេសកូរ៉េ បន្ទាប់ពីខ្លួនបានបោះជំហានចូលសិល្បៈមក។ ការចេញលើកនេះ លើកទី១ លោកថា បានទទួលបានការគាំទ្រខ្លាំងណាស់ពីបងប្អូនខ្មែរធ្វើការនៅទីនោះ ប៉ុន្តែការចេញទៅជាលើកទី២នេះ ខ្លួនមិនហ៊ានរំពឹងជាមុនថា នឹងទទួលបានការគាំទ្រកម្រិតណាឡើយ ទុកឲ្យបងប្អូនខ្មែរនៅទីនោះជាអ្នកសម្រេចចុះ។
ខេមរៈ សិរីមន្ត ក៏បាននាំក្រុមរាំរបស់ខ្លួនទៅចំនួន២នាក់ និងខាងផ្នែកសំឡេង ១នាក់ផងដែរ។ តារាចម្រៀងរូបនេះ ប្រាប់ថា បានត្រៀមបទចម្រៀងថ្មីៗ ជាច្រើនបទ ដើម្បីចែកជូនទស្សនិកជនបានកម្សាន្តសប្បាយរីករាយ។
តារាផ្សេងទៀតដែលឡើងយន្តហោះទៅជាមួយលោកយប់មិញនោះមាន លោក ប៉ែន ចំរ៉ុង លោក គុយ លី លោក vj អាឡាក្ដូ និង អ្នកនាង ចន ចន្ទ័លក្ខិណា ជាដើម។ ដោយឡែក លោក ខេម អ្នកនាង មាស សុខសោភា កញ្ញា យូរី នឹងចេញទៅនៅថ្ងៃនេះ ហើយពួកគេទាំងអស់ គ្រោងច្រៀងនៅថ្ងៃទី១៦ និង ១៧ ខែ កុម្ភៈ ឆ្នាំ ២០១៧៨ខាងមុខនេះ។
ការប្រគំតន្ត្រីខាងលើ រៀបចំដោយតារាចម្រៀង និងជាអតីតពលករធ្វើការនៅប្រទេស កូរ៉េ ហើយទើបតែទទួលងារជា ឧកញ៉ា ឡេង ណាវ៉ាត្រា ដោយគម្រោងនៃការចំណាយលើការប្រគំតន្ត្រីនេះ មានរហូតដល់ទៅជាង១០ម៉ឺនដុល្លារ។ គោលចំណងនៃការរៀបចំ នេះ គឺដើម្បីផ្សព្វផ្សាយជំនួញដីនិង ផ្ទះរបស់លោក និងមួយចំណែកទៀត ក៏គម្រោងនឹងយកមកធ្វើការសប្បុរសធម៌ផងដែរ៕