ដើម្បីបញ្ចៀសកុំឲ្យ iPhone X ដាមអេក្រង់ Apple ប្រាប់ដំណោះស្រាយ
- 2018-02-16 02:00:31
- ចំនួនមតិ 0 | ចំនួនចែករំលែក 0
ដើម្បីបញ្ចៀសកុំឲ្យ iPhone X ដាមអេក្រង់ Apple ប្រាប់ដំណោះស្រាយ
ចន្លោះមិនឃើញ
មានករណីមួយចំនួននៅក្រៅស្រុកបានរាយការណ៍ថាអេក្រង់ iPhone X ជួបបញ្ហាឲ្យឈ្មោះ "Screen burn-in” ដែលសំដៅទៅអេក្រង់ដែលមានសភាពដាមនៃផ្ទៃរូបភាពចាស់ ថ្វីបើយើងបើកចូលរូបភាពថ្មីមួយទៀតក៏ដោយ។
តាមការបកស្រាយពី Apple ជុំវិញបញ្ហានេះ ថានោះមកពីធម្មជាតិរបស់អេក្រង់ OLED ប៉ុន្តែក៏មានដំណោះស្រាយចែកជូនអ្នករាល់គ្នា ដែលចង់បញ្ចៀសមិនឲ្យកើតមានលើទូរសព្ទតម្លៃជាង ១ ពាន់ដុល្លាររបស់ខ្លួន។
១.ប្រាកដថាអ្នកកំពុងប្រើ iOS ជំនាន់ក្រោយបង្អស់:
ស្រដៀងនឹង Apple បានលើកឡើង អ្នកប្រើប្រាស់គ្រប់រូបចាំបាច់ត្រូវដើរតាមការវិវត្តនៃជំនាន់ប្រព័ន្ធប្រតិបត្តិដែលខ្លួនបានបញ្ចេញ ក្នុងគោលដៅពង្រឹងប្រព័ន្ធសុវត្ថិភាពនិងជួសជុលចន្លោះប្រហោងធ្លាប់កើតមានលើ iOS ចាស់។
ដើម្បីដំណើរការ Update អ្នកប្រើប្រាស់ត្រូវចុចចូលទៅ Settings > General > Software Update បើមិនឃើញអ្វីប្លែក មានន័យថាឧបករណ៍ឈរលើ iOS ក្រោយរួចជាស្រេច។
២.ដាច់ខាតការប្រើពន្លឺខ្លាំងជ្រុល:
អ្នកជំនាញបានណែនាំឲ្យអ្នករាល់គ្នាគួរទម្លាក់ពន្លឺនៃអេក្រង់ឲ្យមកនៅទាបល្មមឬប្រើប្រាស់មុខងារ Auto-Brightness ជៀសវាងការបើកពន្លឺខ្លាំងដល់អស់ ដែលក្រៅពីអាចជួបបញ្ហាអេក្រង់ដាម ទៀតសោតក៏ស៊ីថ្មសាហាវផងដែរ។
៣.ប្រើមុខងារ Auto-Lock:
ស្តាប់ទៅវារាងសាំញ៉ាំបន្តិច ដែលត្រូវបើកមុខងារច្រើនខុសពីការប្រើប្រាស់ទូទៅ ប៉ុន្តែក៏អាចទប់ស្កាត់លើភាពដាមនៃរូបជាន់គ្នា ប្រសិនអ្នកកំណត់មុខងារ Auto-Lock រយៈពេល ៣០ នាទី ដែលក្នុងឧបករណ៍បានចែងមកស្រាប់។ ចូលទៅកាន់ Settings > Display & Brightness > Auto-Lock។
+ដំណោះស្រាយភ្លាមៗបើជួបបញ្ហាអេក្រង់ដាម:
ករណីសុខៗស្រាប់តែជួបបញ្ហាដូចបានរៀបរាប់ខាងលើ ម្ចាស់ iPhone X គ្រប់រូបត្រូវប្រញាប់អនុវត្តតាមជំហានខាងក្រោម:
#បញ្ជាក់: លក្ខខណ្ឌចាំបាច់ក៏អាចយកទៅទីតាំងដែលអ្នកបានទិញ ឲ្យជួយត្រួតពិនិត្យមើល ណាមួយម៉ូដែលនេះបច្ចុប្បន្នទីផ្សារក្នុងស្រុក ក៏ដាក់លក់ប្រភេទមានប័ណ្ណធានាផងដែរ ថ្វីបើពុំមាន Apple Store អតិថិជនក៏អាចស្វែងរកហាងចែកចាយដែលនៅជិតលោកអ្នកបំផុត។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ: