អ្នកចូលដៃបង្កើត Bixby ឲ្យ SAMSUNG ត្រូវ Google ទាក់ចិត្តបានហើយ
- 2018-02-15 00:22:00
- ចំនួនមតិ 0 | ចំនួនចែករំលែក 0
អ្នកចូលដៃបង្កើត Bixby ឲ្យ SAMSUNG ត្រូវ Google ទាក់ចិត្តបានហើយ
ចន្លោះមិនឃើញ
ក្រុមហ៊ុន Alphabet Inc ដែលជាសម្ព័ន្ធនៃ Google ក្នុងខែកុម្ភៈនេះ បានទទួលបុគ្គលិកថ្មីលោក Injong Rhee ដែលជាអតីតនាយកផ្នែកបច្ចេកវិទ្យា (CTO) នៅក្រុមហ៊ុន SAMSUNG Elctronics។ នេះបើផ្អែកតាមការបង្ហោះលើ LinkedIn កាលពីថ្ងៃចន្ទរបស់លោក Rhee។
អ្នកនាំពាក្យក្រុមហ៊ុន Google អ្នកស្រី Jane Hynes បានបញ្ជាក់ជាមួយសារព័ត៌មាន Reuters ថា នោះជាការពិត ដោយក្រុមហ៊ុនខ្លួនបានជួលបុរសសញ្ជាតកូរ៉េឲ្យមកបម្រើការក្នុងផ្នែក Cloud Computing (ការប្រើបណ្ដាញ Network ដើម្បីរក្សាទុកទិន្នន័យលើអ៊ីនធឺណិត) ប៉ុន្តែអ្វីផ្សេងសូមមិនអធិប្បាយ។
ចំពោះការលើកឡើងរបស់ Rhee បានបញ្ជាក់ថា "ចំណុចចាប់ផ្តើមដំបូងក្នុងការសហការជាមួយមិត្តរួមការងារថ្មីនៅ Google គឺកិច្ចខិតខំប្រឹងប្រែងលើការអភិវឌ្ឍអាជីវកម្ម IoT”។ ថ្វីបើបច្ចុប្បន្ន Amazon, Microsoft និង IBM កំពុងលុតដំខ្លួនលើប្រព័ន្ធ Cloud បែបនេះមែន ប៉ុន្តែ Google ក៏នៅតែមានសង្ឃឹមជានិច្ច។
Rhee បានចាកចេញពីក្រុមហ៊ុន SAMSUNG កាលពីខែធ្នូ ឆ្នាំ ២០១៧ ដោយមុននេះបន្តិចលោកបម្រើការជាប្រធានផ្នែកបច្ចេកវិទ្យា ក្នុងការស្រាវជ្រាវប្រព័ន្ធ Software និងអភិវឌ្ឍសេវាកម្ម ក៏ដូចជាសហការផលិតប្រព័ន្ធ Knox Security និង Bixby បន្សំប្រព័ន្ធទូទាត់ទំនិញ Samsung Pay ថែមទៀតផង។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
DJI Mavic Air ខ្លួនតូច តែចិត្តធំថតដល់ 4K កំពុងមានប្រជាប្រិយ (វីដេអូ)
វែកមុខឃើញក្រុម Hacker ដែលអុកឡុកព្រឹត្តិការណ៍កីឡាអូឡាំពិកនៅកូរ៉េខាងត្បូង