ប្រភពពីបារាំង៖ Pogba ស្ដាយក្រោយដែលចោល Juv ទៅ Man Utd
- 2018-02-16 02:38:37
- ចំនួនមតិ 0 | ចំនួនចែករំលែក 0
ប្រភពពីបារាំង៖ Pogba ស្ដាយក្រោយដែលចោល Juv ទៅ Man Utd
ចន្លោះមិនឃើញ
ប្រភពព័ត៌មានពីបារាំងបានផ្សាយថា Paul Pogba ចាប់ផ្ដើមស្ដាយក្រោយដែលផ្ទេរទៅលេងនៅ Manchester United។
ខ្សែបម្រើការពារវ័យ២៤ឆ្នាំបានចាកចេញពី Juventus កាលពីឆ្នាំ២០១៦ដើម្បីវិលទៅលេងឲ្យក្លឹបបិសាចក្រហមក្នុងតម្លៃ១០០លានអឺរ៉ូ។ នៅរដូវកាលនេះ Pogba ស៊ុតបញ្ចូលទីបាន៣គ្រាប់ និងបញ្ជូនឲ្យមិត្តរួមក្រុមស៊ុតបាន១០ដង ប៉ុន្តែប្រភពពី L'Équipe អះអាងថារូបគេមិនសប្បាយចិត្តប៉ុន្មានទេ។
ទំនាក់ទំនងរបស់កីឡាករសញ្ជាតិបារាំងជាមួយគ្រូបង្វឹកហាក់ល្អក់កករ ពិសេសរបៀបលេងរបស់ក្រុម មិនធ្វើឲ្យរូបគេសប្បាយចិត្តដូចកាលនៅជាមួយ Juventus ឡើយ។ ប្រភពដដែលអះអាងថា Pogba ស្ដាយក្រោយដែលចាកចេញពីអ៊ីតាលី ពិសេសរើសយក United ដោយចោល Real Madrid៕