ប្រធាន HTC ប្រកាសឈប់ភ្លាមៗ មិនមានអ្នកជំនួស
- 2018-02-16 03:02:12
- ចំនួនមតិ 0 | ចំនួនចែករំលែក 0
ប្រធាន HTC ប្រកាសឈប់ភ្លាមៗ មិនមានអ្នកជំនួស
ចន្លោះមិនឃើញ
ក្រោយពីរស់នៅក្រុមហ៊ុន HTC បាន ៦ ឆ្នាំ លោក Chialin Chang ដែលជាប្រធានផ្នែកទូរសព្ទ បានលាលែងពីតំណែងភ្លាមៗ កាលពីថ្ងៃទី ១៤ កុម្ភៈកន្លងទៅ ដោយលើកហេតុផលថា ព្រោះគម្រោងការងារផ្ទាល់ខ្លួន។ ចចាមអារ៉ាមផ្សាយលោក Chang ចង់បង្កើតក្រុមហ៊ុន AI។
អ្វីដែលជាបញ្ហានោះគឺលោក Cher Wang នាយកប្រតិបត្តិក្រុមហ៊ុន HTC មិនបានប្រកាសឈ្មោះអ្នកស្នងតំណែងលោក Chang នោះទេ ហើយប្រធានផ្នែកទូរសព្ទរូបនេះលាលែងខណៈពេលដែល HTC U12 ត្រៀមប្រកាសចេញទៀតផង។
ការលាលែងពីតំណែងនេះកើតមានរយៈពេលប៉ុន្មានថ្ងៃ ក្រោយពី HTC ប្រកាសពីរបាយការណ៍ហិរញ្ញវត្ថុប្រចាំខែមករា ដែលបន្តធ្លាក់ចុះ ១៥,៣ % បើធៀបនឹងខែធ្នូ ហើយធ្លាក់ចុះ ២៧% ធៀបនឹងខែមករា ឆ្នាំ ២០១៧៕