អ្នកចូលចិត្តរឿងហុងកុងត្រូវម៉ាច់! PNN ប្ដូរម៉ោងផ្សាយភាគហុងកុងទៅម៉ោង ៥-៧ យប់

2018-02-16 10:15:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ទូរទស្សន៍ PNN នឹងប្ដូរម៉ោងចាក់ផ្សាយរឿងភាគហុងកុង ពីម៉ោង ១១ និងម៉ោង ១២ ថ្ងៃត្រង់ ទៅម៉ោង ៥ ល្ងាច ដល់ ៧ យប់ ជាម៉ោងពិសេសវិញ។ នេះបើតាមព័ត៌មានដែល Sabay ទទួលបាន។

រឿងហុងកុងដែលត្រូវចាក់ផ្សាយក្នុងម៉ោងពិសេសនេះ មាន ២ រឿងគឺ «ល្បិចក្នុងរាជវាំង វគ្គ១» និង «ភ្នាក់ងារ CID កម្ចាត់គ្រឿងញៀន»។ រឿងទាំងពីរនេះ ជារឿងភាគហុងកុងដែលពេញនិយមខ្លាំងពីទស្សនិកជន។

«ល្បិចក្នុងរាជវាំង វគ្គ១» ជាប្រភេទរឿងបែបល្បិចកល ច្រណែន ឈ្នានីស ប្រកួតប្រជែងតំណែងជាអគ្គមហេសីរបស់ស្តេច ខណៈដែលមានតារាល្បីៗជាច្រើនប្រចាំហុងកុងចូលរួមសម្ដែង។ ភាពយន្តភាគជក់ចិត្តមួយនេះ ចាក់ផ្សាយចាប់ពីថ្ងៃទី ១៣ កុម្ភៈ ២០១៨ រាល់ចន្ទ ដល់សុក្រ ម៉ោង ៥-៦ ល្ងាច។

ឯរឿងភាគមួយទៀត «ភ្នាក់ងារ CID កម្ចាត់គ្រឿងញៀន» រឹតតែមិនធ្វើឲ្យអ្នកចូលចិត្តតាមដានប្រភេទរឿងស៊ើបអង្កេតខកបំណងឡើយ ព្រោះជារឿងស៊ើបអង្កេតរឿងក្តីជួញដូរគ្រឿងញៀនឆ្លងដែននៅហុងកុង និងការប្រកួតប្រជែងគ្មានទីបញ្ចប់។ «ភ្នាក់ងារ CID កម្ចាត់គ្រឿងញៀន» នឹងចាក់ផ្សាយចាប់ពីថ្ងៃ ២៧ កុម្ភៈ នេះ ម៉ោង ៦-៧ យប់។

ឈុតខ្លីរឿង «ល្បិចក្នុងរាជវាំង វគ្គ១»៖

ឈុតខ្លីរឿង «ភ្នាក់ងារ CID កម្ចាត់គ្រឿងញៀន»៖

ដោយ៖ សុផាត