បដិសេធមិនយកបេក្ខជនធ្វើការព្រោះមិនចេះអង់គ្លេស តែអង់គ្លេសរបស់ប្រធាន HR អានហើយចង់វិលមុខ
- 2018-02-17 08:59:24
- ចំនួនមតិ 0 | ចំនួនចែករំលែក 0
បដិសេធមិនយកបេក្ខជនធ្វើការព្រោះមិនចេះអង់គ្លេស តែអង់គ្លេសរបស់ប្រធាន HR អានហើយចង់វិលមុខ
ចន្លោះមិនឃើញ
ពលរដ្ឋអាមេរិកាំងដើមកំណើតវៀតណាមម្នាក់បានដាក់ពាក្យសុំធ្វើការជាអ្នកបើកបរនៅក្រុមហ៊ុនមួយនៅ Seattle រដ្ឋវ៉ាស៊ីនតោនសហរដ្ឋអាមេរិក ប៉ុន្តែត្រូវបានប្រធាន HR បដិសេធព្រោះភាសាអង់គ្លេសរបស់លោកប្រើការមិនបានល្អ។ នេះបើតាមសារព័ត៌មាន Nextshark ចុះផ្សាយកាលពីថ្ងៃសុក្រ។
កាលពីខែមុន Emily Huynh ជាកូនស្រីរបស់លោកបានបង្ហោះនៅលើ Twitter របស់នាងដោយនិយាយពីរឿងរ៉ាវដ៏គួរឲ្យអស់សំណើចមួយ ដែលប្រធានផ្នែកធនធានមនុស្សបានផ្ញើអ៊ីមែលមិនមានវិជ្ជាជីវៈដល់ឪពុករបស់នាងបន្ទាប់ពីលោកបានស្នើសុំធ្វើការនៅក្រុមហ៊ុននោះ។
ក្នុង Email នោះប្រធានផ្នែកធនធានមនុស្សបានសរសេរដូចអ្នកទើបរៀនអង់គ្លេសអីចឹង មិនដឹងវេយ្យាករណ៍ក្បាលកន្ទុយនៅឯណាទេ ដោយបានសរសេរថា "Let me tell you now, if you no speak English, I will send you home”។
បន្ទាប់ពីមានប្រតិកម្មធ្ងន់ធ្ងរ ប្រធានផ្នែកធនធានមនុស្ស (HR) នោះត្រូវក្រុមបញ្ឈប់ពីការងារ។ ប៉ុន្តែឪពុករបស់ Emily Huynh នៅតែមិនបានទទួលការងារ ហើយយ៉ាងណាក្តីលោកក៏បានខិតខំរៀនអង់គ្លេសបន្ថែម។
នាងបានផ្ញើអ៊ីមែលទៅក្រុមហ៊ុន៣ផ្សេងគ្នាដើម្បីសុំការងារឲ្យឪពុក។ សំណាងល្អលោកទទួលការសម្ភាសន៍២ក្នុងចំណោម៣កន្លែង ហើយចុងក្រោយលោកបានទទួលការងារជាអ្នកបើកបរនៅក្រុមហ៊ុនដឹកជញ្ជូនមួយឈ្មោះថា Charlie’s Produce។ Emily Huynh បាននិយាយ៕