កូនប្រុសទាំងពីររបស់នាយ ក្រឹម និងគូស្នេហ៍លេងស្ទីលមិនចាញ់អឺរ៉ុប

2018-02-18 07:12:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះកូនប្រុសពៅ និងកូនទី៣ របស់នាយ ក្រឹម ទទួលបានការចាប់អារម្មណ៍យ៉ាងខ្លាំងពីសំណាក់អ្នកប្រើប្រាស់បណ្ដាញសង្គមហ្វេសប៊ុក ក្រោយពីអ្នកទាំង ២ បង្ហាញមុខគូស្នេហ៍ជាសាធារណៈ និងនាំទៅជួបអ្នកមានគុណក្នុងថ្ងៃបុណ្យនៃក្ដីស្រឡាញ់ ជាមួយការតុបតែងខ្លួនមិនចាញ់សាសន៍អឺរ៉ុប។

១/តារាសម្ដែង និងជាវិចិត្រករវ័យក្មេង អ៊ូ ដានីញ៉ែល ត្រូវជាកូនប្រុសពៅរបស់នាយ ក្រឹម ជានិច្ចកាលលោក តែងតែតុបតែងខ្លួនពាក់មួក ដូចជាតិសាសន៍អឺរ៉ុប ដែលកំពុងតែរស់នៅក្នុងតំបន់ត្រជាក់។ ហេតុដូច្នេះហើយទើបធ្វើឲ្យមានការយល់ច្រឡំថា លោក ជាជនជាតិអឺរ៉ុប។

ចំណែកឯគូស្នេហ៍ អ៊ូ ដានីញ៉ែល វិញកញ្ញា គង់ សុភា វិញក្រៅពីមានឈាមជ័រជាកូនកាត់ខ្មែរ-បារាំង ហើយនោះ នាង មានការតុបតែងខ្លួនមិនខុសពីជនជាតិបារាំង ទាំងម៉ូដសក់ និងការស្លៀកពាក់បញ្ចេញសាច់ខ្ចីនៅបរិវេណរន្ធផ្ចិត។

អ៊ូ ដានីញ៉ែល

គង់ សុភា គូស្នេហ៍ អ៊ូ ដានីញ៉ែល (រូបថតពី ហ្វេសប៊ុក គង់ សុភា)

២/ ក្រឡេកមកចាប់អារម្មណ័ អ៊ូ អាឡាន ជាកូនប្រុសទី៣របស់នាយ ក្រឹម វិញម្ដងមានស្ទីលតុបតែងខ្លួន មិនខុសពីប្អូនប្រុសពៅប៉ុន្មានឡើយ ព្រោះជានិច្ចជាកាលលោកតែងតែពាក់មួក ទុកពុកមាត់ ពុកចង្កា ពាក់ក្រវិលនៅលើបបូរមាត់ជាដើម។ ចំណុចទាំងអស់នេះដែលធ្វើឲ្យហ្វេនៗច្រឡំថាលោកមិនមែនជាជនជាតិខ្មែរ។

បើនិយាយពីគូស្នេហ៍របស់ អ៊ូ អាឡាន កញ្ញា រឿន ណាត វិញនាង គឺជាកញ្ញាឯកជយលាភីលេខ១ឆ្នាំ ២០១៧ ដែលមានទម្រង់មុខ និងកែវភ្នែកដ៏មុតថ្លាដូចកូនកាត់លោកខាងលិច តែធាតុពិតស្រីស្អាតរូបនេះជាកូនខ្មែរ សុទ្ធសាធ៕