Huawei P20 Plus រំពឹងនាំយកមុខងារថ្មី តែមានលើ Nokia កន្លះទសវត្សមកហើយ

2018-02-19 10:24:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្មាតហ្វូនជំនាន់ក្រោយរបស់ក្រុមហ៊ុន Huawei ដែលត្រូវបានគេរំពឹងជាម៉ូដែល P20 Plus នឹងនាំមកជាមួយនូវមុខងារ Always On Display អមបច្ចេកវិទ្យាអេក្រង់ច្បាស់ត្រជាក់ភ្នែក OLED។ អ្វីដែលពិសេស ត្រកូល P ឆ្នាំ ២០១៨ ក៏នឹងបំពាក់ថាមពលថ្មធំ ៤ ០០០ mAh ដូច Mate 10 Pro ស្របពេលឆ្នាំទៅ P10 Plus មានត្រឹម ៣ ៧៥០ mAh។

តាមការរំពឹងទុកម៉ូឌែលថ្មីនេះ គ្រោងលេចវត្តមានព្រមគ្នានៅពិព័រណ៍ MWC នាចុងខែកុម្ភៈ រួមម៉ូឌែល P20 និង P20 Lite ស្របពេលចចាមអារ៉ាមកន្លងទៅរូបរាងនឹងផ្លាស់ប្ដូរមានផ្នែកឆកនៅខាងលើដូច iPhone X ហើយប្រើមុខងារ Animoji និង FaceID ក៏ដូចជារត់លើ Android 8.1 Oreo ចេញពីប្រអប់ស្រាប។

រំឭកដែរថាមុខងារ Always-On Display ឬហៅកាត់ AOD ជាបច្ចេកវិទ្យាជួយសន្សំសំចៃថាមពលគាំទ្រការប្រើអេក្រង់ AMOLED ដោយមានដំបូងបង្អស់លើម៉ូដែល Nokia Lumia នាឆ្នាំ ២០១៣ មុនលេចចេញលើត្រកូល Motorola និង LG ក៏ដូចផ្សារភ្ជាប់ទៅត្រកូល Galaxy S7/S7 Edge របស់ SAMSUNG នាឆ្នាំ ២០១៦ កន្លងទៅ។