សូ ស្រណោះ៖ ខ្ញុំមិនដែលប្រាប់ខ្លួនឯងថាជោគជ័យ សូម្បី១ភាគរយ
- 2018-02-19 03:00:00
- ចំនួនមតិ 0 | ចំនួនចែករំលែក 0
សូ ស្រណោះ៖ ខ្ញុំមិនដែលប្រាប់ខ្លួនឯងថាជោគជ័យ សូម្បី១ភាគរយ
ចន្លោះមិនឃើញ
ត្បិតមាននាមជាយុវជនកម្ពុជាដំបូងដែលដណ្ដើមបានជយលាភីលេខ១ពី "មហោស្រពយុវជនអាស៊ាន" កាលពីឆ្នាំចំណោម១០ប្រទេសចូលរួមក្នុងឆ្នាំ២០០៣ និងមានសាលាដូរ្យតន្ត្រីផ្ទាល់ខ្លួនក្ដី ក៏អនុបណ្ឌិតបញ្ចប់ការសិក្សាផ្នែកព្យាណូពីជប៉ុន សូ ស្រណោះ ថាខ្លួនមិនដែលគិតថាខ្លួនជោគជ័យឡើយ សូម្បី១ភាគរយ។
លោក និយាយថា៖ "ខ្ញុំអត់ដែលប្រាប់ខ្លួនឯង ថាខ្លួនឯងជោគជ័យទេ សូម្បីតែ១ភាគរយក៏ដោយ ព្រោះខ្ញុំគិតថាពាក្យជោគជ័យ និងបរាជ័យវានៅជិតគ្នា។ បើសិនខ្ញុំប្រាប់ខ្លួនឯងថាជោគជ័យ ទី១ខ្ញុំនឹងមិនខំប្រឹង ទី២ ខ្ញុំនឹងមើលងាយការងារ។ ហើយខ្ញុំអត់ដឹងថាពាក្យជោគជ័យ វាជោគជ័យរបៀបណា? បើសិនជាយើងមិនទាន់មើលឃើញអ្វីដែលយើងចង់បាន"។
ការលើកឡើងដូច្នេះត្រូវបានសាស្ត្រាចារ្យផ្នែកតន្ត្រីដដែលរៀបរាប់ថា មិនលោកជាមនុស្សបរាជ័យទេ វាគ្រាន់តែជាចំណុចដាស់សតិខ្លួនឲ្យមានសន្ទុះខំប្រឹងកាន់តែខ្លាំងក្លាឡើង។
លោក សូ ស្រណោះ មានវ័យ៣៦ឆ្នាំ មានដើមកំណើតនៅភ្នំពេញ ជាបុគ្គលម្នាក់គត់ដែលមានជំនាញផ្នែកតន្ត្រីក្នុងគ្រួសារដែលមានបងប្អូន៦នាក់ និងមានឪពុកជាគ្រូពេទ្យ៕