Costa ក្ដៅស្លឹកត្រចៀកពេក ចេញមុខបរិហារ អាជ្ញាកណ្ដាល និងប្រព័ន្ធផ្សព្វផ្សាយកប់ៗមាត់
- 2018-02-19 12:15:11
- ចំនួនមតិ 0 | ចំនួនចែករំលែក 0
Costa ក្ដៅស្លឹកត្រចៀកពេក ចេញមុខបរិហារ អាជ្ញាកណ្ដាល និងប្រព័ន្ធផ្សព្វផ្សាយកប់ៗមាត់
ចន្លោះមិនឃើញ
ខ្សែប្រយុទ្ធ Diego Costa កាលពីពេលថ្មីៗនេះ បាននិយាយថា ខ្លួនជាមុខសញ្ញានៃការឲ្យកាតពីសំណាក់អាជ្ញាកណ្ដាលមួយចំនួន។ លើសពីនេះ កីឡាករអេស្ប៉ាញ ក៏បានបរិហារប្រព័ន្ធផ្សព្វផ្សាយផងដែរ។
Costa បានថ្លែងប្រាប់សារព័ត៌មាន beIN Sports ថា៖ "វាជារឿងមិនអាចប្រកែកបាន ដែលអាជ្ញាកណ្ដាលខ្លះគុំខ្ញុំតែម្ដង។ ពួកគេចង់តែឲ្យកាតខ្ញុំ"។ ទោះជាយ៉ាងណា ខ្សែប្រយុទ្ធសញ្ជាតិអេស្ប៉ាញដើមកំណើតប្រេស៊ីលរូបនេះ មិនបានបង្ហាញចំៗថាអាជ្ញាកណ្ដាលទាំងនោះ ស្ថិតនៅលីគណាឲ្យច្បាស់លាស់នោះទេ។
បន្ថែមពីការទិតៀនអាជ្ញាកណ្ដាល Costa ក៏បានរិះគន់ប្រព័ន្ធផ្សព្វផ្សាយផងដែរ ដែលកីឡាកររូបនេះបានចោទថាបានសរសេរព័ត៌មានប្រឌិតគ្មានការពិតពីខ្លួន។
ការថ្លែងរបស់ Diego Costa នេះធ្វើឡើង បន្ទាប់ពីកីឡាករអេស្ប៉ាញទើបតែទទួលបានកាតលឿងក្នុងការប្រកួតម្សិលមិញ ក្រោយបានតវ៉ាតឹងសរសៃកជាមួយអាជ្ញាកណ្ដាលរឿងមិនឲ្យ Atletico Madrid បានបាល់ពិន័យ ១១ម៉ែត្រ។ លើសពីនេះ ទើបតែខែមុនប៉ុណ្ណោះដែល Costa ទើបតែទទួលបានកាតក្រហម។
សូមបញ្ជាក់ផងដែរថា កន្លងមក Costa ត្រូវបានសារព័ត៌មានជាច្រើនសរសេរបរិហារ ដោយកីឡាកររូបនេះមានប្រវត្តិបានកាតច្រើន។ ខ្លះហ៊ានទាំងថា ខ្សែប្រយុទ្ធអេស្ប៉ាញមានរបៀបលេងបែបខូច (Dirty)៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
