លក្ខណៈពិសេសនៃរបាំព្រះរាជទ្រព្យក្រោមស្នាព្រះហស្ថសម្ដេចព្រះរៀម នរោត្តម បុប្ផាទេវី

2018-02-21 06:19:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ការជ្រើសរើសតួដែលមិនសូវមានវត្តមានក្នុងរបាំ រួមមាន តួគ្រុឌ ក្ងោក ការច្នៃសាច់រឿងថ្មីលក្ខណៈខ្មែរទំនើបកម្ម ជាព្រះរាជកិច្ចថ្មីដែលសម្ដេចព្រះរៀម នរោត្តម បុប្ផាទេវី ទ្រង់បង្កើតឡើង និងជាផ្ទាំងទស្សនីភាពដ៏អស្ចារ្យ ដើម្បីសម្ដែងនៅក្នុងខែឧសភាខាងមុខ។

សិល្បករជើងចាស់

បច្ចុប្បន្ន លោកគ្រូ អ្នកគ្រូ និងក្រុមសិល្បករ ចំណានជាច្រើនកំពុងហ្វឹកហាត់ក្នុងព្រះរាជដំណាក់របស់ព្រះនាង ដើម្បីត្រៀមទៅសម្តែងជូនភ្ញៀវអន្តរជាតិ មានប្រទេសស្វីស និងប្រទេសបារាំង។

ព្រះរាជសកម្មភាពសម្ដេចព្រះរៀម បង្ហាត់សិល្បករក្នុងព្រះរាជដំណាក់

លោក ព្រឿង ឈាង ជាទីប្រឹក្សាក្រសួងវប្បធម៌ និងវិចិត្រសិល្បៈ និងជាអ្នកចូលរួមក្នុងការងារជាមួយសម្ដេច ព្រះរៀមបានឲ្យដឹងថា ផ្ទាំងទស្សនីយភាពល្អឯកនេះនឹងសម្ដែងទៅតាមសាច់រឿងមួយរបស់ប្រទេសក្រិច ប៉ុន្តែក្បាច់និងការស្លៀកពាក់គឺនៅរក្សាបែបរបាំខ្មែរទាំងស្រុង។ លោកបន្តថា ក្រៅពីក៏មានការបន្ថែមនូវក្បាច់រាំបុរាណ ការសម្ដែងនេះគឺផាត់មុខសទាំងអស់ ដើម្បីបង្ហាញពីរបាំព្រះរាជទ្រព្យក្នុងអំឡុង ១០០ឆ្នាំមុន។

លោក ព្រឿង ឈាង ទីប្រឹក្សាក្រសួងវប្បធម៌ និងវិចិត្រសិល្បៈ

ចំពោះការចេញទៅសម្ដែងលោកបញ្ជាក់ថា «រាល់ការចេញសម្ដែងក្រៅប្រទេស ក្រោមព្រះរាជកិច្ចសម្ដេចព្រះរៀម គឺមានការគាំទ្រខ្លាំងណាស់ ភ្ញៀវមកទស្សនាស្ទើរគ្មានកន្លែង។ ក្នុងការដឹកនាំទៅសម្ដែងនៅក្រៅប្រទេសលើកនេះកាន់តែពិសេស ទាំងគ្រឿងមួយចំនួនដែលសឹងតែបាត់វត្តមានទៅហើយ ក៏ទ្រង់រៀបចំដំឡើងឲ្យមានឡើងសារជាថ្មីវិញ ទាំងក្បាច់រាំ តួ អង្គ គ្រឿងតុបតែង ជាពិសេសទ្រង់ក៏ស្រាវជ្រាវក្បាច់រាំបន្ថែមក្នុងការសម្ដែងមួយនេះ»។

ផ្ទាំងទស្សនីយភាពដ៏អស្ចារ្យនេះ ប្រមូលផ្តុំដោយនាដកា និងសិល្បករចំណានៗចូលរួមសម្ដែង។ តាមប្រសាសន៍លោក ព្រឿង ឈាង ការចេញទៅសម្ដែងនៅក្រៅប្រទេសនេះមានមានសិល្បករទាំងអស់ចំនួន ជាង៤០នាក់ ។

ហើយមុខពេលចេញទៅសម្ដែង នៅបារាំងនិងស្វីស ព្រះអង្គ ព្រះនាងទ្រង់ និងដឹកនាំ ការសម្ដែង ថ្វាយព្រះករុណាទតនៅថ្ងៃទី ០២ ខែឧសភា នៅសាលចតុម្មុខហើយចេញទៅក្រៅប្រទេសនៅថ្ងៃទី៤ រហូតដល់ថ្ងៃទី២៦ ឧសភាឆ្នាំ២០១៨ទើបត្រឡប់មកកម្ពុជាវិញ៕

អត្ថបទ៖ ច្រឹក ស្រីអូន