គូប្រជែងចាស់ Chelsea ឬ Barca ឈ្នះនៅយប់នេះ?
- 2018-02-20 08:31:41
- ចំនួនមតិ 0 | ចំនួនចែករំលែក 0
គូប្រជែងចាស់ Chelsea ឬ Barca ឈ្នះនៅយប់នេះ?
ចន្លោះមិនឃើញ
តោខៀវ Chelsea នឹងបើកទ្វារកីឡដ្ឋាន Stamford Bridge ស្វាគមន៍ FC Barcelona នៅម៉ោង ២:៤៥នាទីរំលងអាធ្រាត្រ ក្នុងការប្រកួត UEFA Champions League វគ្គ១៦ក្រុមចុងក្រោយ។
មុនឈានដល់វគ្គនេះ Barcelona បានបញ្ចប់ក្នុងចំណាត់ថ្នាក់លេខ១នៃពូល D ដោយឈ្នះ ៤ស្មើ២ ស្របពេល Chelsea បានលេខ២ក្នុងពូលC ប្រកួត៦ដង ឈ្នះ៣ ស្មើ២ និងចាញ់១។ ចាំមើលប្រកួតយប់នេះក្រុមណាទទួលជ័យជម្នះនៅជើងទីមួយ?
ជើងកីឡាករ៖
Chelsea៖ ម្ចាស់ផ្ទះមានបញ្ហាកីឡាករមួយចំនួនដោយសាររបួសដូចជា Barkley, David Luiz និង Bakayoko ដូច្នេះជម្រើសដំបូងអាចជា Courtois; Azpilicueta, Christensen, Cahill; Moses, Kanté, Fàbregas, Alonso; Hazard, Pedro និង Morata។
Barcelona៖ ក្រុមភ្ញៀវមានបញ្ហាកីឡាករ Semedo (ជាប់ពិន័យ) និង Vermaelen (របួស) ខណៈ Coutinho មិនអាចលេងបានព្រោះបានខ្លួននៅ Champions League ជាមួយ Liverpool រួចហើយ ដូច្នេះជម្រើស១១នាក់អាចជា Ter Stegen; Sergi Roberto, Piqué, Umtiti, Jordi Alba; Busquets, Paulinho, Rakitić; Iniesta, Messi និង Suárez។
សម្ដីគ្រូបង្វឹក៖
Antonio Conte (Chelsea)៖ "ពួកយើងត្រូវផ្ដោតអារម្មណ៍ខ្ពស់បំផុតក្នុងការប្រកួតនេះ។ យើងស្គាល់ Barcelona ច្បាស់។ ពួកគេចូលចិត្តប៉ះបាល់ច្រើន និងគ្រប់គ្រងបាល់តាមតែអាចធ្វើទៅបាន ដូច្នេះកីឡាករទាំងអស់ត្រូវប្រឹងលេងកុំឲ្យបាត់បាល់ ហើយពេលបានបាល់ត្រូវដឹងថាគួរធ្វើដូចម្ដេច"។
Ernesto Valverde (Barcelona)៖ “Chelsea មានរបៀបលេងបាល់ដូចក្រុមឯទៀតនៅ Premier League។ វានឹងមានការលំបាកព្រោះយើងត្រូវលេងទល់នឹងក្រុមជើងឯកលីគអង់គ្លេស។ ក្រុមទាំងពីរមានប្រវត្តិជួបគ្នាមួយចំនួនពីមុន ដែលធ្វើឲ្យការប្រកួតនេះកាន់តែចាប់អារម្មណ៍"។
ប្រវត្តិជួបគ្នា
ឆ្នាំ២០០០៖ Chelsea ៣-១ Barcelona, Barcelona ៥-១ Chelsea ឆ្នាំ២០០៥៖ Barcelona ២-១ Chelsea, Chelsea ៤-២ Barcelona ឆ្នាំ២០០៦៖ Chelsea ១-២ Barcelona, Barcelona ១-១ Chelsea ឆ្នាំ២០០៩៖ Barcelona ០-០ Chelsea, Chelsea ១-១ Barcelona ឆ្នាំ២០១២៖ Chelsea ១-០ Barcelona, Barcelona ២-២ Chelsea៕
ព្យាករណ៍៖ Chelsea ១-១ Barcelona