កាដូខួបកំណើតដ៏មិនអាចបំភ្លេចបានរបស់តារា J-Hope ក្នុងក្រុមBTS
- 2018-02-20 13:29:17
- ចំនួនមតិ 0 | ចំនួនចែករំលែក 0
កាដូខួបកំណើតដ៏មិនអាចបំភ្លេចបានរបស់តារា J-Hope ក្នុងក្រុមBTS
ចន្លោះមិនឃើញ
ក្នុងថ្ងៃខួបកំណើតរបស់តារាកូរ៉េ J-Hope ក្នុងក្រុមចម្រៀងដ៏ល្បីBTS មិត្តរួមក្រុម Jin បានសម្រេចចិត្តផ្ញើកាដូមិនធម្មតាមួយឲ្យ។
កាដូដែលតារាពូកែលេងសើច Jin ឲ្យទៅ J-Hopeគឺ៖ Jin បានបង្ហោះលើTweeterថា "រីករាយថ្ងៃខួបកំណើត សម្លាញ់! គ្នារង់ចាំអស់១ឆ្នាំហើយដើម្បីបង្ហោះរូបនេះ។" ជាមួយសារនេះ ក៏មានរូបថតមួយសន្លឹកភ្ជាប់មកជាមួយដែរ។
នៅក្នុងរូបថតនេះ បង្ហាញថា តារាចម្រៀង J-Hope កំពុងញញឹមដាក់កាមេរ៉ា ក្នុងសភាពមុខបែបធម្មជាតិ។ តារារូបនេះ មិនបានផាត់មុខ ហើយថែមទាំងពាក់វ៉ែនតាមូលៗ និងមួករោមសត្វទៀតផង។ គ្រាន់តែឃើញរូបដ៏អស់សំណើចមួយសន្លឹកនេះភ្លាម តារាសង្ហារួមក្រុម Jimin ក៏ចេញមុខឆ្លើយតបវិញថា "មានអ្នកចេញមុខការពារបងប្រុស(J-Hope) នៅទីនេះ។ តែខ្ញុំក៏មិនអាចហាមខ្លួនឯងមិនឲ្យចូលឆ្លើយក្នុងរូបដ៏អស់សំណើចនេះបានដែរ"។
អ្វីដែលរឹតតែគួរឲ្យចាប់អារម្មណ៍ តារាចម្រៀង Jiminក៏ឆ្លៀតបន្តថា "ខ្ញុំក៏មានរូបថតរបស់បង(Jin)ជាច្រើនដែរ ហើយក្នុងរូបថតទាំងនោះ គឺសក់របស់បងរលើបដូចលាបខ្លាញ់"។
ជាមួយគ្នានេះ អ្នកគាំទ្រជាច្រើនក៏បានឆ្លើយថា "ពួកអ្នកទាំងអស់គ្នា គឺពិតជាសំឡាញ់ដ៏ល្អមែន ដែលបង្កើតភាពភ្ញាក់ផ្អើលដូចនេះ។" ហើយមានអ្នកខ្លះក៏សរសេរថា "នេះជាកាដូដែលមិនអាចបំភ្លេចបាន របស់J-Hope"៕