រូបបង្ហាញពីក្ដីស្រលាញ់ ម្ដាយចំពោះកូនក្នុងទិវាជាតិសុខភាពមាតា ទារក និងកុមារ

2018-02-21 04:52:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្ងៃនេះថ្ងៃទិវាជាតិសុខភាពមាតា ទារក និងកុមារ ដែលជាទិវាមួយប្រារព្ធឡើងក្នុងគោងបំណងលើកកម្ពស់ការយកចិត្តទុកដាក់ចំពោះសុខភាពមាតា ទារក និងកុមារទូទាំងប្រទេស។ គ្រាន់តែតួលេខនៅមន្ទីពេទ្យគន្ធបុប្ផាក្នុងមួយឆ្នាំចំនួនស្រ្តីមានផ្ទៃពោះ និងកុមារទទួលការព្យាបាលមានរាប់ម៉ឺននាក់។

បើយោងតាម Facebook ផ្លូវការ របស់បណ្ឌិត Beat Richnerស្ថាបនិកមន្ទីរពេទ្យដែលចេញផ្សាយកាលពីថ្ងៃទី២៧ ខែមករា តួលេខរបស់កុមារ និងស្ត្រី មកពិនិត្យព្យាបាលនៅមន្ទីរពេទ្យគន្ធបុប្ផា និងផ្នែកសម្ភពនៃមន្ទីរពេទ្យជ័យវរ្ម័នទី៧ គិតចាប់ពីថ្ងៃទី២១ ខែធ្នូ ឆ្នាំ២០១៧ ដល់ថ្ងៃទី២១ ខែមករា ឆ្នាំ២០១៨ មានកុមារសរុប ៧៨ ៧៦៣ នាក់ ស្ត្រីមានផ្ទៃពោះ១២ ៨៨៩ នាក់ បានមកពិនិត្យតាមដានផ្ទៃពោះ ក៏មានដែរស្រ្តីដែលទទួលការព្យាបាលមានចំនួន ១២ ៨៨៩ នាក់ និងសម្រាលកូនបានចំនួន ២ ៣៥៦នាក់។

ទំព័រ Facebook ផ្លូវការដដែលនេះចុះផ្សាយកាលពីថ្ងៃទី២៩ ខែមករា បានបង្ហាញពីតួលេខពិតប្រចាំឆ្នាំ២០១៧របស់មន្ទីរពេទ្យគន្ធបុប្ផាភ្នំពេញ និងសៀមរាប កុមារមានជំងឺចំនួន៩០៩ ១៩២ នាក់ ត្រូវបានពិនិត្យព្យាបាលនៅផ្នែកពិគ្រោះជំងឺក្រៅ។ កុមារមានជំងឺធ្ងន់ធ្ងរ ១៦៧ ៧៩០នាក់បានមកសម្រាកព្យាបាល ចំណែកការវះកាត់បេះដូង និងភ្ជិតប្រហោងបេះដូងមានចំនួន ២៦ ៤៤២នាក់។ ដោយឡែកស្ត្រីមានផ្ទៃពោះមកសម្រាកព្យាបាល មាន១៥៤ ៧១៦នាក់ និងសម្រាលកូនចំនួន ២៩ ៨២៨នាក់។