ណាហ្គាវើល ចុះកុងត្រាយកខ្សែប្រយុទ្ធនីហ្សេរីយ៉ា២រូប

2018-02-22 02:23:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹបណាហ្គាវើល បានសម្រេចចុះកុងត្រាយកខ្សែប្រយុទ្ធនីហ្សេរីយ៉ា២រូបគឺ George Bisan និង Matthew Okoro ។

George Bisan (រូបភាព Nagaworld)

George ជាខ្សែប្រយុទ្ធលេងនៅកម្ពុជារាប់ឆ្នាំមកហើយ តួយ៉ាងដូចជាភ្នំពេញក្រោន និងព្រះខ័នរាជស្វាយរៀងជាដើម។ កីឡាករវ័យ២៦ឆ្នាំរូបនេះជាមធ្យមរកគ្រាប់បាល់បាន១គ្រាប់ក្នុង១ប្រកួតក្នុងរយៈពេល៦រដូវកាលកន្លងមកនេះ។ ដោយឡែកសម្រាប់ Matthew វិញ ជាអតីតកីឡាកររបស់វេស្ទើន ហើយរូបគេរកបាន៣៨គ្រាប់ក្នុងរយៈពេល៣រដូវកាល។

Matthew Okoro (រូបភាព Nagaworld)

កីឡាករទាំងពីរខាងលើនេះជាកីឡាករបរទេសទី៤និងទី៥សម្រាប់ក្រុមណាហ្គាវើល ខណៈដែលបរទេស៣នាក់ទៀតមាន Adernson Zogbe ជាខ្សែការពារសញ្ជាតិកូតឌីវ័រ Tatsuro Inui ជាខ្សែប្រយុទ្ធសញ្ជាតិជប៉ុន និងកីឡាករ Han Sunggyu ជាខ្សែប្រយុទ្ធសញ្ជាតិកូរ៉េខាងត្បូង។

ក្រុមដែលដឹកនាំដោយលោក មាស ចាន់ណា ក៏បាននាំចូលកីឡាករខ្មែរដែរ ក្នុងនោះមាន រ៉ុន រ៉ានី តំណែងខ្សែប្រយុទ្ធ សាន ឧសភា តំណែងអ្នកចាំទី និង សៀង ណាមឈាវ ក៏ជាអ្នកចាំទីដែរ៕

អត្ថបទ៖ មុន្នីរម្យ