៥ រឿងគ្រប់គ្នាខកខានដឹង អំពីជំនួប Sevilla និង Man Utd
- 2018-02-22 03:24:58
- ចំនួនមតិ 0 | ចំនួនចែករំលែក 0
៥ រឿងគ្រប់គ្នាខកខានដឹង អំពីជំនួប Sevilla និង Man Utd
ចន្លោះមិនឃើញ
ក្រុមម្ចាស់ផ្ទះ Sevilla ពិតជាលេងបានល្អក្នុងជើងទីមួយ UCL ទល់នឹងបិសាចក្រហម Man Utd តែសំណាងមិនហុចឲ្យ ត្រូវអ្នកចាំទីដៃស្អិត David de Gea សង្គ្រោះបានរហូត។ ក្រៅពីលទ្ធផលនៃការប្រកួតនៅមានរឿងសំខាន់ៗមួយចំនួនបានកើតឡើងក្នុងជំនួបធំនេះ ដែលប្រិយមិត្តមួយចំនួនមិនបានដឹង។
១. Mourinho ផ្ដល់ក្ដីស្រឡាញ់ដល់ក្មេងៗមុនការប្រកួត
អ្នកចាត់ការក្លឹប Man Utd បានឱបក្មេងម្នាក់ដែលជាអ្នករួមដំណើរជាមួយកីឡាករ (mascot) មុនពេលដើរចូលទីលានប្រកួត។
២. អ្នកគាំទ្រ United បង្ហាញការមិនសប្បាយចិត្តដែលឲ្យ Pogba បម្រុង
ជារឿងដ៏ភ្ញាក់ផ្អើលលោក Mourinho បានឲ្យកីឡាករយុវជន Scott McTominay លេងជម្រើស១១នាក់ ជំនួស Pogba។ ចំពោះការសម្រេចយុទ្ធសាស្ត្របែបនេះបានធ្វើឲ្យអ្នកគាំទ្រ Man Utd ជាច្រើនមិនពេញចិត្ត។ អ្នកគាំទ្រម្នាក់លើកឡើងថា មិនឲ្យ Paul Pogba លេងក្នុងការប្រកួតសំខាន់ក្នុងរដូវកាលនេះជារឿងគូរឲ្យអស់សំណើចណាស់។ ពួកយើងទិញPogba មកដើម្បីលេងក្នុងការប្រកួតធំបែបនេះ។ តាមការសង្កេត មួយរយៈចុងក្រោយទំនាក់ទំនង Mourinho និង Pogba ដូចមិនល្អសោះ។
៣. ប្រតិកម្មលើការសង្គ្រោះបាល់របស់ De Gea
Imagine thinking De Gea isn't the best keeper in the world. pic.twitter.com/ykkIq9zNMv
— The Boi (@ChuBoi) February 21, 2018
Sevilla ស្ទើរតែរកបានមួយគ្រាប់ទៅហើយ ដោយការតែតមួយក្បាលរបស់កីឡាករ Luis Muriel មុនទី Man Utd តែត្រូវអ្នកចាំទី De Gea ជួយបានយ៉ាងអស្ចារ្យ។ ការលេងនិងជួយក្រុមល្អបែបនេះបានធ្វើឲ្យអ្នកគាំទ្រខ្លះថា De Gea ជាអ្នកចាំទីល្អជាំងគេក្នុងប្រវត្តិសាស្ត្រ Man Utd។
៤.Sir Alex Ferguson ជាមួយអ្នកគាំទ្រ
អ្នកគាំទ្រមួយក្រុមពិតជាមានសំណាងធំបានថតរូបជុំគ្នាជាមួយ Sir Alex Ferguson ក្នុងទីក្រុងអេស្ប៉ាញ។ Ferguson និង Sir Bobby Charlton បានទៅទស្សនាផ្ទាល់ការប្រកួតរវាង Sevilla និង បិសាចក្រហម។
៥. ការលេងនៅអេស្ប៉ាញរបស់ Manchester United
៧. ប្រកួតនៅ Champions League ក្នុងប្រទេសអេស្ប៉ាញ ៥ប្រកួតហើយ ដែល Manchester United មិនអាចរកគ្រាប់បាល់បាន៕