ច្បាស់ការ! មូលហេតុ៥យ៉ាងនេះ ទើបយក២០ឧសភា ជាថ្ងៃឈប់ដូច៧មករាដែរ

2018-02-22 04:29:46
ចំនួនមតិ 0 | ចំនួនចែករំលែក 0

ចន្លោះមិនឃើញ

តាមមាត្រា១ នៃអនុក្រឹត្យស្ដីពីទិវា នៃការចងចាំ ត្រូវកំណត់យកថ្ងៃ ២០ ឧសភា ជារៀងរាល់ឆ្នាំ ជាទិវាជាតិនៃការចងចាំ ដែលជាថ្ងៃបុណ្យជាតិផ្លូវការមួយនៅព្រះរាជាណាចក្រកម្ពុជា សម្រាប់ជារំលឹកដល់ជនរងគ្រោះ និងការឈឺចាប់ពីឧក្រិដ្ឋកម្ម ដែលកើតមានក្នុងរបបកម្ពុជាប្រជាធិបតេយ្យ ចាប់ពីថ្ងៃ១៧មេសា ដល់ថ្ងៃទី ០៦ ខែមករា ឆ្នាំ១៩៧៩។ ទិវាជាតិនៃការចងចាំ បង្កើតឡើងដើម្បី៖

លើកតម្កើងការគោរពវិញ្ញាណក្ខន្ធ និងការធ្វើបុណ្យឧទ្ទិសដល់ជនរងគ្រោះ ដែលបានស្លាប់ក្នុងរបបកម្ពុជាប្រជាធិបតេយ្យ
លើកតម្កើងការគោរពដល់ ជនរងគ្រោះ ការស្ដារកិត្តិយស និងសេចក្ដីថ្លៃថ្នូរ របស់ជនរងគ្រោះទោះជានៅរស់ ឬបានបាត់បង់ជីវិតក៏ដោយ
ប៉ះប៉ូវការឈឺចាប់ផ្លូវចិត្ត និងផ្នែកសង្គមដល់ជនរងគ្រោះ និងក្រុមគ្រួសារ
ចូលរួមក្នុងការផ្សះផ្សាជាតិ និងជំរុញឲ្យមានសុខដុមនីយកម្ម ក្នុងសង្គមកម្ពុជា
លើកកម្ពស់ការផ្សព្វផ្សាយ និងការយល់ដឹងអំពីអំពើឃោរឃៅ ដែលកើតមានក្នុងរបបកម្ពុជាប្រជាធិបតេយ្យកុំឲ្យកើតមានឡើងសារជាថ្មី៕