Man Utd នឹងត្រូវហែលឆ្លងព្យុះកំណាចយក្សៗចំនួន ២ មុនមកលេងជើងទី២វិញ ជាមួយ Sevilla
- 2018-02-22 12:21:06
- ចំនួនមតិ 0 | ចំនួនចែករំលែក 0
Man Utd នឹងត្រូវហែលឆ្លងព្យុះកំណាចយក្សៗចំនួន ២ មុនមកលេងជើងទី២វិញ ជាមួយ Sevilla
ចន្លោះមិនឃើញ
បន្ទាប់ពីលេងស្មើនៅលើទឹកដី Sevilla កាលពីយប់មិញ អនាគតរបស់ក្លឹបបិសាចក្រហមនៅក្នុងកម្មវិធី Champions League នារដូវកាលនេះ នឹងត្រូវកាត់សេចក្ដីនៅកីឡដ្ឋាន Old Trafford នៅ ៣សប្ដាហ៍ក្រោយ។ ទោះជាយ៉ាងណា ក្នុងអំឡុងពេលជាង ២០ថ្ងៃនេះ ក្លឹបត្រូវប្រកួតក្នុងក្របខ័ណ្ឌបាល់ទាត់កំពូលអង់គ្លេស ជាមួយយក្សធំៗដល់ទៅពីរ គឺ Chelsea និង Liverpool។
ក្លឹបបិសាចក្រហមនឹងត្រូវលេងក្នុងដី ប៉ះជាមួយក្លឹបតោខៀវ នៅថ្ងៃទី ២៥ ខាងមុខ ខណៈត្រូវប៉ះជាមួយហង្សក្រហមនៅថ្ងៃទី ១០ ខែក្រោយ។ បន្ថែមពីលើជំនួបធំៗទាំងពីរ ក្លឹបបិសាចក្រហម ក៏នឹងត្រូវលេងក្រៅដី ជាមួយក្រុមឥន្ទ្រីហោះ Crystal Palace នៅចន្លោះជំនួបទាំងនោះផងដែរ ពោលគឺនៅថ្ងៃទី ៥មីនា។
ក្នុងប្រកួតជើងទី១ Champions League វគ្គ ១៦ក្រុម Manchester United បានលេងស្មើ ០ ទល់នឹង ០ជាមួយ Sevilla នៅអេស្ប៉ាញកាលពីយប់មិញ។ ក្លឹបជើងឯកអង់គ្លេស ២០សម័យ នឹងបើកទ្វារស្វាគមន៍ក្លឹបអេស្ប៉ាញក្នុងជំនួបទី ២ នៅថ្ងៃទី ១៤ មីនា ខាងមុខ៕