មិនធម្មតា ការសម្ដែងមួយនេះ សមាជិកក្រុម SHINee ទទួលឈ្មោះជា Michael Jackson របស់កូរ៉េ

2018-02-22 13:06:06
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសង្ហា Taemin ក្នុងក្រុមចម្រៀង SHINee ទទួលបានរហ័សនាម "K-Pop's Michael Jackson" នៅក្នុងកម្មវិធី The Today Show! របស់ទូរទស្សន៍ NBC ។

ក្នុងកម្មវិធីនេះ តារាចម្រៀង Taemin បានបង្ហាញវត្តមានក្នុងវគ្គ "តើK-Popជាអ្វី?” រួមជាមួយតារាកូរ៉េដទៃទៀតរួមមាន តារាចម្រៀង PSY, G-Dragon, ក្រុមBTS និងក្រុមEXOជាដើម។ ជាមួយគ្នានេះដែរ ខាងទូរទស្សន៍ NBC បានចុះទៅសម្ភាសន៍តារាចម្រៀង Taemin ផ្ទាល់នៅខាងក្រោយឆាកប្រគំតន្ត្រីទេសចរណ៍របស់លោក។

អ្វីដែលពិសេសគឺ ពិធីករនៃកម្មវិធីនេះ បានធ្វើឲ្យតារាចម្រៀងTaemin អៀន ដោយនិយាយថា "អ្នកល្អទាំងព្រម គឺមានទាំងរួបរាងសង្ហា ទេពកោសល្យ ហើយអ្នកចេះច្រៀង និងរាំបានយ៉ាងល្អទៀត"។

ជាមួយទេពកោសល្យដែលត្រូវបានលើកឡើងទាំងនេះ អ្នកគាំទ្របានទទួលស្គាល់ និងសុទ្ធតែយល់ស្របថាដូចគ្នាថា Taemin ពិតជាភាពទេពកោសល្យល្អដូច Michael Jackson មែន៕

តោះ មកមើលការសម្ដែងដ៏អស្ចារ្យរបស់គេទាំងអស់គ្នា ថាតើគេសមនឹងងារថ្មីនេះទេ?