អតីតសមាជិកក្រុម F4 ដាក់ពាក្យប្ដឹងលែងលះ តែប្រពន្ធមិនខ្ចីស៊ីញ៉េយល់ព្រម

2018-02-23 02:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Arrisa Cheo បានធ្វើឲ្យនារីជាច្រើនលួចច្រណែន ពេលរៀបការជាមួយតារាប្រុសមុខមានមន្តស្នេហ៍ Vanness Wu កាលពីឆ្នាំ ២០១៣។ ប៉ុន្តែពេលនេះ មានរឿងរ៉ាវខ្លះបានកើតឡើងហាក់មានភាពមិនប្រក្រតី។

គូស្នេហ៍តារាប្រុសតៃវ៉ាន់ Vanness Wu ត្រូវមហាជនកោតសរសើរពីក្ដីស្នេហ៍ដែលពួកគេមានចំពោះគ្នា មុនរៀបការ និងក្រោយរៀបការណាស់។ អ្នកទាំង២តែងចំណាយពេលទិញអ៊ីវ៉ាន់ម៉ាកល្បីៗ រស់នៅជីវិតហ៊ឺហាយ៉ាងមានក្ដីសុខ ប៉ុន្តែមួយរយៈចុងក្រោយចំណងស្នេហ៍របស់អ្នកទាំង ២ដូចជាមិនសូវល្អដូចមុនសោះ។

កន្លងមក ត្បិតមានព័ត៌មានថា អ្នកទាំង២លែងលះគ្នា ប៉ុន្តែខាងសាមីខ្លួនមិនដែលទទួលស្គាល់ឡើយ។ ជាក់ស្ដែងថ្មីៗនេះ បណ្ដាញសារព័ត៌មានតៃវ៉ាន់ បានផ្សព្វផ្សាយដំណឹងប្រេះឆារបស់ Vanness និងភរិយា។ ប្រភពទាំងនោះបានឲ្យដឹងថា បន្ទាប់ពីបរាជ័យក្នុងការព្យាយាមផ្សះផ្សាជាច្រើនលើកមក អតីតសមាជិកក្រុម F4 រូបនេះបានសរសេរពាក្យប្ដឹងសុំលែងលះតែម្ដង ប៉ុន្តែ Arrisa ដែលជាប្រពន្ធបដិសេធមិនស៊ីញ៉េលើក្រដាសលែងនោះទេ។

មួយវិញទៀត ពីមុនរាល់ពេលទៅណាមកណា អ្នកទាំង ២តែងបណ្ដើរគ្នាត្រសង មិនដែលខានទេ ប៉ុន្តែថ្មីៗមហាជនតែងឃើញ Arrisa ចេញក្រៅតែម្នាក់ឯង ដោយគ្មានវត្តមានប្ដីនៅជាប់ដូចមុនឡើយ៕