សពតារាចម្រៀង វេហា កំពុងដឹកពីវៀតណាម មកធ្វើបុណ្យនៅវត្តមួយ ក្នុងក្រុងតាខ្មៅ
- 2018-02-23 02:30:39
- ចំនួនមតិ 0 | ចំនួនចែករំលែក 0
សពតារាចម្រៀង វេហា កំពុងដឹកពីវៀតណាម មកធ្វើបុណ្យនៅវត្តមួយ ក្នុងក្រុងតាខ្មៅ
ចន្លោះមិនឃើញ
លោក បូ វេហា តារាចម្រៀងម្នាក់ ដែលត្រូវបានភ្លើងឆេះនៅក្លឹបកម្សាន្តមួយឈ្មោះ LV ក្នុងក្រុងព្រះសីហនុ ហើយត្រូវបានក្រុមគ្រួសារដឹកយកទៅសង្គ្រោះនៅមន្ទីរពេទ្យមួយ ក្នុងប្រទេសវៀតណាមបានស្លាប់ហើយ កាលពីម៉ោង១២ ជាងយប់មិញ។ ពេលនេះក្រុមគ្រួសារកំពុងតែយកមកធ្វើបុណ្យតាមប្រពៃណី នៅវត្តព្រែកហូរ ក្នុងក្រុងតាខ្មៅ។ នេះបើតាមការឲ្យដឹងពី កញ្ញា ឡុង ដារីវណ្ណ ដែលត្រូវជាក្មួយបង្កើត។
តាមការបញ្ជាក់ពីក្មួយស្រីនៃសពខាងលើ មូលហេតុដែលនាំក្រុមគ្រួសារសម្រេចយកសពលោក បូ វេហា ទៅធ្វើបុណ្យនៅទីអារាមខាងលើ ក៏ព្រោះតែទីតាំងនេះមានសាច់ញាតិបងប្អូនលោករស់នៅទីនោះច្រើន ហើយម្យ៉ាងងាយស្រួលដល់មិត្តភ័ក្ដិដែលជាអ្នកសិល្បៈដូចគ្នា ដែលមានបំណងទៅចូលរួមពិធីបុណ្យផង។
មុនលោក បូ វេហា គ្រោះថ្នាក់នេះ លោកមានម្ដាយបង្កើតមានជំងឺទាចទឹកដំណាក់កាលចុងក្រោយ ហើយកំពុងតែសង្គ្រោះបន្ទាន់មន្ទីរពេទ្យកាលម៉ែត្រ ដែលបានចូលមកសម្រាកព្យាបាលជាច្រើនថ្ងៃមកហើយ។
លោក បូ វេហា ត្រូវបានគេដឹងថា គឺជាតារាចម្រៀងឯករាជ្យមួយ មានអត្តចរិតស្លូតបូត សុភាពរាបសារ មានមិត្តភ័ក្ដិជាច្រើនតែងស្រលាញ់រាប់អាន ជាពិសេសអ្នកសិល្បៈដូចគ្នា។ លោកមានស្រុកកំណើតនៅ ខេត្តតាកែវ វ័យ៣៤ឆ្នាំ មានកូន២នាក់ ប្រុស១ ស្រី១ កូនច្បងអាយុ៦ឆ្នាំ កូនពៅ៦ ខែ៕