CL និង EXO នឹងបង្ហាញខ្លួនជាពិសេសក្នុងពិធីបិទព្រឹត្តិការណ៍កីឡាអូឡាំពិករដូវរងា

2018-02-23 05:02:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ចាប់តាំងពីព្រឹត្តិការណ៍កីឡាអូឡាំពិករដូវរងាក្នុងទីក្រុងព្យុងឆាងឆ្នាំ ២០១៨ ដំណើរការមក គ្រប់គ្នាទន្ទឹងរង់ចាំយ៉ាងអន្ទះសា ដោយចង់ឃើញវត្តមានតារាចម្រៀង CL និង EXO សម្ដែងក្នុងពិធីបិទ ដែលប្រារព្ធឡើងនៅថ្ងៃអាទិត្យ ទី ២៥ ខែកុម្ភៈខាងមុខ។

ប៉ុស្តិ៍ទូរទស្សន៍របស់ប្រទេសកូរ៉េខាងត្បូងជាច្រើនបាន បង្ហាញពីសកម្មភាពហាត់សមរបស់អ្នកដែលត្រូវសម្ដែងក្នុងកម្មវិធីធំ ហើយអ្នកគាំទ្រជាច្រើនមានភាពរីករាយជាខ្លាំងពេលក្រឡេកឃើញ CL និង EXO ក្នុងនោះដែរ។

EXO

បើតាមអ្វីដែលបានបង្ហាញ ឃើញថា EXO កំពុងហាត់សមរាំយ៉ាងស្វាហាប់ ដោយលើកយកបទដ៏ល្បី "Growl” មកសម្ដែង ខណៈ CL ឈរលើឆាកដ៏អស្ចារ្យ ស្រែកច្រៀងបទចម្រៀងរបស់ក្រុម 2NE1 "I Am The Best”។

ទស្សនាវីដេអូខ្លីនៃសកម្មភាពហាត់សម៖

ក្នុងបទសម្ភាសន៍ CL និង EXO បានបង្ហាញអារម្មណ៍ថា ខ្លួនពិតជាមានកិត្តិយសបំផុតដែលបានក្លាយជាចំណែកមួយក្នុងព្រឹត្តិការណ៍បិទ កីឡាអូឡាំពិករដូវរងាឆ្នាំ ២០១៨នេះ។ ជាមួយគ្នានោះ តារាល្បីទាំង ២ នឹងប្រឹងសម្ដែងឲ្យអស់ពីសកមត្ថភាពក្នុងកម្មវិធីដ៏អស្ចារ្យ ជាប្រវត្តិសាស្ត្រនេះ។

គួរបញ្ជាក់ផងដែរថា EXO ត្រូវបានអញ្ជើញឲ្យសម្ដែងក្នុងពិធីបិទនេះ ដោយសារក្រុមនេះបង្កើតឡើង ជាតំណាងនៃអំណាចពិសេសដែលបានមកពីភពផ្សេង។ ហេតុនេះហើយទើប អូឡាំពិកសម្រេចថា ជាការស័ក្ដិសម ប្រសិនយក EXO មកសម្ដែង ព្រោះអត្ថន័យរបស់ក្រុម ត្រូវគ្នាខ្លាំងជាមួយប្រធានបទកម្មវិធីបទ "Next Wave”។

ចំណែក CL វិញ ក៏ជាតារាដ៏ស័ក្ដិសមបំផុតដែរសម្រាប់កម្មវិធី ព្រោះនាងជាតារាស្រីដែលមានភាពអស្ចារ្យជាងគេក្នុងចំណោមតារាផ្សេងទៀត ដែលតែងផ្សងព្រេងទៅពិភពសិល្បៈអន្តរជាតិ និងបង្ហាញពីសក្ដានុពលរបស់ខ្លួនទៅកាន់ពិភពលោក។

ប៉ុន្តែក្នុងនោះ ក៏មានពាក្យចចាមអារ៉ាមថា ក្រៅពី CL និង EXO ក៏នៅមានតារាផ្សេងទៀតចូលរួមដែរ៕

ចុចអាន៖

ប្រភព៖ Koreaboo ប្រែសម្រួល៖ យី សុធារី