មកដឹងពីឥទ្ធិពល KlapYaHandz និង Tiny Toones មកលើវិស័យតន្ត្រីហ៊ីបហបនៅកម្ពុជា

2018-02-23 08:36:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងរយៈពេលប៉ុន្មានឆ្នាំចុងក្រោយនេះ វិស័យតន្ត្រីគ្រប់ប្រភេទនៅព្រះរាជាណាចក្រកម្ពុជាមានការរីកចំរើននិងវិវឌ្ឍជាច្រើននឹកស្មានមិនដល់។ មិនត្រឹមតែប៉ុណ្ណោះ ការផ្លាស់ប្ដូរនេះមិនត្រឹមតែនាំឲ្យមានការបង្កើតបទចម្រៀងថ្មីៗដោយខ្លួនឯងនោះទេ គឺថែមទាំងធ្វើឲ្យមានជម្រើសជាច្រើនសម្រាប់អ្នកស្នេហាវិស័យតន្ត្រីទៀតផង។

ផលិតកម្ម KlapYaHandz បានបង្កើតតាំងឆ្នាំ ២០០៧មកម្ល៉េះដោយបានផលិតបទចម្រៀងចង្វាក់ហ៊ីបហបជាច្រើន តម្រូវតាមការចង់បានរបស់ទស្សនិកជនជនក្នុងការស្វែងរកតន្ត្រីចង្វាក់ថ្មីៗនិងពីរោះៗ។ លក្ខណៈពិសេសរបស់ផលិតកម្មនេះគឺ ទោះបីជាផ្ដោតសំខាន់ទៅលើចង្វាក់ហ៊ីបហប ដែលមនុស្សភាគច្រើនយល់ថាជាចង្វាក់បែបលោកខាងលិចក៏ដោយ ក៏ KlapYaHandz បានកែប្រែស្ទីលនៃការច្រៀងនិងតន្ត្រីមកធ្វើជាលក្ខណៈខ្មែរគួរឲ្យចាប់អារម្មណ៍។ បទចម្រៀងដូចជា "ស្ដាយស្នេហ៍អភ័ព្វ" និង "ស្នេហាក្នុងពេលរាត្រី" ជាដើមសុទ្ធសឹងតែជាបទចម្រៀង ដែលទទួលបានគាំទ្រយ៉ាងខ្លាំងសន្ធឹកសន្ធាប់និងធ្វើ ឲ្យចម្រៀងចង្វាក់ហ៊ីបហបរីកចម្រើនក្នុងប្រទេសកម្ពុជាខ្លាំងមិនធម្មតា។

រូបភាពពីទំព័រហ្វេសប៊ុក Tiny Toones

ខុសប្លែកបន្តិចពី KlapYaHandz, Tiny Toones គឺជាអង្គការមនុស្សធម៌មួយ ដែលបានបង្កើតតាំងពីឆ្នាំ ២០០៥ ដែលជាកន្លែងដែលផ្ដល់នូវការផ្គត់ផ្គង់ការសិក្សាចំពោះកុមារកម្ពុជារាប់ពាន់នាក់ ព្រមទាំងបង្ហាត់បង្រៀនក្បាច់រាំចង្វាក់ហ៊ីបហប "Break Dance” ទៀតផង។

លោក Tuy Sobul Kay Kay ស្ថាបនិកTiny Toones មានប្រសាសន៍ថាអង្គការនេះ មិនមែនជាកន្លែងរាំចង្វាក់ហ៊ីបហប ឬ ច្រៀងចង្វាក់រ៉េបតែប៉ុណ្ណោះទេ ប៉ុន្តែជាកន្លែងដែលធ្វើឲ្យកុមារជាច្រើនមានភាពសប្បាយរីករាយនូវការចូលរួមសកម្មភាពទាំងនេះ ជាជាងស្នាក់នៅតាមចិញ្ចើមផ្លូវ នាំឲ្យមានការប្រឡូកនូវអំពើមិនល្អផ្សេងៗដូចជាប្រើប្រាស់គ្រឿងញៀនជាដើម។

ចាប់ផ្ដើមពីឆ្នាំ ២០០៤ ដែលមានក្មេងៗតែ៣ ទៅ ៤នាក់ សព្វថ្ងៃនេះជាកន្លែងស្នាក់នៅនិងរៀនសូត្ររបស់កុមារជាង១០០នាក់ ហើយកុមារសរុបទាំងអស់ដែលទទួលបានការសិក្សា គឺដល់ទៅជាង៥០០០នាក់ឯណោះ។

ដូច្នេះហើយទើបឆ្លៀតក្នុងឱកាសនេះ ពី Code Red Agency បានបង្កើតនូវព្រឹត្តិការណ៍ប្រគំតន្ត្រីដ៏ធំមួយ មានឈ្មោះថា "Bizarre Ride II The Parcyde 25th Anniversary Album Tour” ដោយមានវត្តមានពីកំពូលក្រុមចម្រៀងហ៊ីបហប The Pharcyde ព្រមទាំងចូលរួមសម្ដែងពី តារាចម្រៀងមកពីផលិតកម្ម KlapYaHandz និងការរាំចង្វាក់ Breakdance ពី Tiny Toones ផងដែរ។