ការចែក និងផ្ដល់ស្រោមអនាម័យទាំង២លើកនៅកម្ពុជា ល្បីកក្រើកមិនចាញ់គ្នា

2018-02-23 09:50:30
ចំនួនមតិ 0 | ចំនួនចែករំលែក 0

ចន្លោះមិនឃើញ

គិតចាប់ពីចុងឆ្នាំ២០១៧ ការផ្ដល់ស្រោមអនាម័យនៅកម្ពុជាលក្ខណៈទ្រង់ទ្រាយធំ បានធ្វើឡើងចំនួន២លើកហើយ ដើម្បីដើម្បីកាត់បន្ថយអត្រាឆ្លងជំងឺអេដស៍នៅកម្ពុជា និងមានការចាប់អារម្មណ៍ខ្លាំងពីមហាជន។ ខាងក្រោមនេះជាចែក និងផ្ដល់ស្រោមអនាម័យទាំងពីរលើកនោះ៖

១. ចិនផ្ដល់ស្រោមអនាម័យជាងកន្លះលានស្រោមជាជំនួយឥតសំណង

កាលពីម្សិលមិញនេះ រដ្ឋាភិបាលចិន បានផ្ដល់ស្រោមអនាម័យ ៦សែនស្រោម ដល់កម្ពុជា ដើម្បីទប់ស្កាត់ការរាលដាលជំងឺអេដស៍។ ពិធីប្រគល់ និងទទួលស្រោមអនាម័យទាំង ៦សែនស្រោម បានធ្វើឡើង រវាងលោកទេសរដ្ឋមន្រ្ដី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ និងតំណាងស្ថានទូតចិន ប្រចាំកម្ពុជា។

រូបតំណាង

លោក អៀង មូលី បានលើកឡើងថា ស្រោមអនាម័យទាំង ៦សែនស្រោម ដែលផ្ដល់ឲ្យដោយរដ្ឋាភិបាលចិននេះ នឹងត្រូវបែងចែកទៅគណៈកម្មាធិការប្រយុទ្ធនឹងជំងឺអេដស៍ នៅតាម រាជធានី-ខេត្ត ទាំង ២៥ នៅទូទាំងប្រទេសកម្ពុជា។ ស្រោមអនាម័យទាំងនេះ ក៏នឹងត្រូវយកទៅអប់រំផ្សព្វផ្សាយ និងចែកចាយ ទៅដល់ក្រុមគោលដៅ ដែលកំពុងប្រឈមនឹងការឆ្លងរាលដាលនៃមេរោគអេដស៍ផងដែរ។

២. ការចែកស្រោមអនាម័យឥតគិតថ្លៃជាង៣ម៉ឺនស្រោមកាលពីឆ្នាំ២០១៧

ស្រោមអនាម័យជាង៣ម៉ឺន នឹងធ្វើការចែកជូនដោយឥតគិតថ្លៃ នៅក្នុងព្រះរាជពិធីបុណ្យអុំទូកឆ្នាំ២០១៧ និងធ្វើឲ្យមានចាប់អារម្មណ៍ខ្លាំងមិនធម្មតាឡើយ មានទាំងការគាំទ្រ និងការរិះគន់។

អាជ្ញាធរជាតិប្រយុទ្ធនឹងជំងឺអេដស៍ បានរៀបចំយុទ្ធនាការចែកស្រោមអនាម័យក្នុងពិធីបុណ្យជាតិមួយនេះ ក្រោមហេតុផលថា អប់រំផ្សព្វផ្សាយអំពីវិធីការពារ និងសារអប់រំមេរោគអេដស៍ ទៅដល់ប្រជាពលរដ្ឋខ្មែរក្នុងឱកាសដ៏ពិសេសនោះ។

រូបតំណាង

ចំណែកឯការចែកស្រោមអនាម័យនោះ បានធ្វើឡើងនៅតាមសួនច្បារ តំបន់កោះពេជ្រ កន្លែងក្រុមកីឡាអុំទូកស្នាក់នៅ និងតំបន់មាត់ទន្លេត្រើយខាងលិច ដែលមានមនុស្សច្រើនកុះករមកលេងកម្សាន្ត។

សូមជម្រាបជូនថា អត្រាឆ្លងជំងឺអេដស៍ថ្មីនៅកម្ពុជាបានថយចុះពី ១០០នាក់នៅឆ្នាំ១៩៩៨ មកនៅត្រឹម ៣នាក់ នៅឆ្នាំ២០១០ និងបន្តថយចុះនៅសល់ ២នាក់ នៅឆ្នាំ២០១៦។ ទោះជាយ៉ាងណា តាមការប៉ាន់ស្មានបច្ចុប្បន្ននេះ មានអ្នកផ្ទុកមេរោគអេដស៍ ចំនួន ៧២០០០នាក់។ ក្នុងនោះ អ្នកបានទទួលការព្យាបាលដោយឱកាសប្រឆាំងនឹងមេរោគអេដស៍ មានចំនួន ៥៧០០០នាក់ ឬស្មើនឹង ៧៥ភាគរយ។ នេះបើយោងតាមរបាយការណ៍របស់អាជ្ញាធរជាតិប្រយុទ្ធនឹងជំងឺអេដស៍៕

អត្ថបទ៖ វឌ្ឍនៈ

អត្ថបទពេញនិយម

ឧកញ៉ា គិត ស៊ូឡា ឡើងជានាយកគ្រប់គ្រងផ្នែកប្រតិបត្តិការ ក្រុមហ៊ុន រ៉ូយ៉ាល់គ្រុប អន្តរជាតិ

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

ត្រៀមកន្លែងថតរូបថ្មី! អាជ្ញាធរខេត្តកំពត ចាប់ផ្តើមសាងសង់ប្រាសាទលោកយាយម៉ៅលើកំពូលភ្នំទ្វារ ឡានម៉ូតូក៏អាចបើកឡើងដល់ដែរ

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

ផ្លូវជាតិលេខ៤៨ ស្រែអំបិល-កោះកុង សម្រេចសាងសង់បានពាក់កណ្តាលហើយ និងគ្រោងបញ្ចប់ចាក់កៅស៊ូឆ្នាំក្រោយ

ងាយៗ! ពិនិត្យមើលសំបកកង់៣ចំណុចធំៗនេះដោយខ្លួនឯងបាន ចៀសវាងបែកកង់តាមផ្លូវ

អត្ថបទថ្មី

Neuer បង្កើតកំណត់ត្រាថ្មីក្នុង Champions League

វគ្គ Semi Final របស់ Europa League ឆ្នាំនេះ សុទ្ធតែគីឡូធ្ងន់

ចាប់ផ្តើមដំណើរឆ្ពោះទៅរកភាពភ្លឺថ្លា POND'S Bright Miracle បង្ហាញពីភាពច្នៃប្រឌិតក្នុងការថែរក្សាស្បែក

តើក្រុមបាល់ទាត់ជម្រើសជាតិប្រទេសណាជាប់លេខ១ នៅទ្វីបអាស៊ី?

ត្រៀមខ្លួនហើយឬនៅ សម្រាប់ដំណើរទៅលេងបុណ្យភ្នំ-ឧទ្យានជាតិគិរីរម្យ នាដើមខែឧសភា ឆ្នាំ២០២៤ នេះ?

៣ ចំនុចដែលអ្នកគួរដឹង បើចង់ក្លាយជាម្ចាស់មកុដ MUC 2024