Tiger Street មណ្ឌលកំពង់ចាមឆ្នាំនេះ ចំនួនក្រុមកើនឡើងជាងមុន

2018-02-23 11:11:07
ចំនួនមតិ 0 | ចំនួនចែករំលែក 0

ចន្លោះមិនឃើញ

Tiger Street Football Festival 2018 ធ្វើដំណើរដល់ខេត្តកំពង់ចាមហើយ ខណៈក្រុមមានការកើនឡើងរហូតដល់ទៅ៦៥ ស្របពេលឆ្នាំចាស់មានត្រឹម៥២ក្រុមប៉ុណ្ណោះ ហើយពួកគេនឹងត្រៀមប្រជែងគ្នានៅព្រឹកស្អែកនេះហើយ។

ទិដ្ឋភាពចាប់ក្រុមប្រកួត

លោក ឌីម បុល កំពុងនិយាយ

លោក ឌីម បុល តំណាងផ្នែកលក់ស្រាបៀ Tiger នៅខេត្តកំពង់ចាម បានឲ្យដឹងថា ស្អែកនេះគឺដល់ពេលដែលក្រុមផ្សេងៗទាំង៦៥ ប្រកួតគ្នា ដើម្បីស្វែងរកក្រុមខ្លាំងចំនួន៦ ត្រៀមបន្តដំណើរទៅវគ្គផ្ដាច់ព្រ័ត្រនៅភ្នំពេញទៀត។ ដូច្នេះក្រុមចូលរួមទាំងអស់ ត្រូវខំប្រឹងប្រែងប្រកួតឲ្យខ្លាំងក្លា និងប្រកួតដោយសាមគ្គីភាព យោគយល់គ្នាទៅវិញទៅមក។

ទិដ្ឋភាពចាប់ក្រុមប្រកួត

ប្រធានផ្នែកលក់ខាងលើបន្ថែមទៀតថា លោកសូមលើកទឹកចិត្តឲ្យក្រុមដែលនៅក្នុងខេត្តកំពង់ចាមនេះ ខំប្រឹងប្រកួតរហូតឈ្នះពានរង្វាន់ជើងឯកទូទាំងប្រទេស ឆ្នាំ២០១៨ យកមកដាក់ក្នុងខេត្តនេះឲ្យបាននៅពេលខាងមុខ ដើម្បីជាការលើកមុខមាត់ដល់ខេត្តជាប់ដងទន្លេមួយនេះផងដែរ។

ទិដ្ឋភាពចាប់ក្រុមប្រកួត

សម្រាប់ការប្រកួតពានរង្វាន់ Tiger Street Football Festival 2018 មណ្ឌលកំពង់ចាម នេះ ត្រូវប្រកួតរយៈពេល២ថ្ងៃ គឺ ២៤-២៥ ខែកុម្ភៈ ឆ្នាំ២០១៨ ហើយក្រុមដែលមានចំណាត់ថ្នាក់ចាប់ពីលេខ១ ដល់ លេខ៦ នឹងត្រូវបានទៅប្រកួតវគ្គផ្ដាច់ព្រ័ត្រនៅរាជធានីភ្នំពេញបន្តទៀត។ ប្រាក់រង្វាន់ក្រុមជើងឯកមណ្ឌលនេះ លេខ១ ទឹកប្រាក់ ១ ៥០០ដុល្លារ លេខ២ ទឹកប្រាក់ ១ ០០០ដុល្លារ លេខ៣ ទឹកប្រាក់ ៥០០ដុល្លារ និងលេខ៤ ទឹកប្រាក់២០០ដុល្លារ ខណៈក្រុមលេខ ៥-៦ បានសិទ្ធិទៅប្រកួតវគ្គផ្ដាច់ព្រ័ត្រទូទាំងប្រទេសប៉ុណ្ណោះ៕

អត្ថបទ៖ នួន ស៊ីណា