ក្រុមចាស់វស្សា Inter សង្ឃឹមខ្ពស់ ការពារតំណែងជើងឯកមណ្ឌលកំពង់ចាមបានជាលើកទី៤
- 2018-02-23 23:30:00
- ចំនួនមតិ 0 | ចំនួនចែករំលែក 0
ក្រុមចាស់វស្សា Inter សង្ឃឹមខ្ពស់ ការពារតំណែងជើងឯកមណ្ឌលកំពង់ចាមបានជាលើកទី៤
ចន្លោះមិនឃើញ
ក្រុមជើងឯករដូវកាលចាស់ Inter រំពឹងខ្ពស់ថា នឹងការពារតំណែងលេខ១ នៅមណ្ឌលកំពង់ចាមជាលើកទី៤ ដោយសារមើលឃើញថាមិនទាន់មានក្រុមណាមានសមត្ថភាពលេចធ្លោដែលត្រូវព្រួយបារម្ភនោះទេ។
លោក យ៉ូប រ៉ម៉ា់ទន ប្រធានក្រុម Inter បានឲ្យដឹងថា ការប្រកួតពានរង្វាន់ Tiger Street Football Festival 2018 នេះ ចំពោះក្រុមរបស់លោកមិនសូវមានអ្វីជាការព្រួយបារម្ភខ្លាំងនោះទេ ពោលសង្ឃឹមដល់ទៅ ៧០-៨០% ឯណោះអាចការពារតំណែងជើងឯកមណ្ឌលកំពង់ចាមនេះជាថ្មី។ ព្រោះមើលឃើញថាកម្រិតនៃការលេងរបស់ក្រុមដទៃមិនដែលចូលរួមនោះ មិនទាន់ដល់ក្រុមរបស់ខ្លួនបច្ចុប្បន្ននោះទេ។
ប្រធានក្រុមរូបនេះបន្ថែមថា ចំណុចដែលត្រូវគិតខ្លះៗចំពោះក្រុម Inter នោះ គឺបញ្ហារបួសកីឡាករដែលនៅមិនទាន់ជាសះស្បើយ១០០% ដូច្នេះអាចថាទម្រង់លេងនៅមិនទាន់បានល្អដូចដើមនៅឡើយទេ។ ប៉ុន្តែចំណុចដែលអាចសង្ឃឹមខ្ពស់ថា នៅតែអាចការពារតំណែងជើងឯកមណ្ឌលកំពង់ចាមនោះ គឺបទពិសោធរបស់កីឡាករដែលលេងច្រើនឆ្នាំកន្លងមក។
ចំពោះក្រុម Inter ចូលរួមប្រកួតការពារតំណែងជើងឯកពានរង្វាន់ Tiger Street Football Festival 2018 មណ្ឌលខេត្តកំពង់ចាមបានម្ដងនេះទៀត ជាលើកទី៤ហើយ សម្រាប់ពួកគេ ហើយនឹងបន្តដំណើរជាថ្មីម្ដងទៀត ដើម្បីប្រជែងក្រុមមកពីមណ្ឌលដទៃក្លាយជាជើងឯកទូទាំងប្រទេសរដូវកាលនេះ៕