យុវវ័យចាប់អារម្មណ៍ខ្លាំង បើកឆាកប្រកួត Tiger Street ព្រឹកមិញមណ្ឌលកំពង់ចាម
- 2018-02-24 04:14:27
- ចំនួនមតិ 0 | ចំនួនចែករំលែក 0
យុវវ័យចាប់អារម្មណ៍ខ្លាំង បើកឆាកប្រកួត Tiger Street ព្រឹកមិញមណ្ឌលកំពង់ចាម
ចន្លោះមិនឃើញ
ការប្រកួតថ្ងៃដំបូង Tiger Street Football Festival 2018 នាព្រឹកមិញនេះឯមណ្ឌលទី៦ កំពង់ចាម មានសភាពអ៊ូអរ និងគាំទ្រច្រើនពីសំណាក់យុវវ័យ និងសិស្សសាលានានាមកទស្សនាផ្ទាល់តែម្ដង។
កញ្ញា ស៊្រុន ស៊ីវន ដែលមកគាំទ្រមិត្តភ័ក្ដិចូលរួមប្រកួតពានរង្វាន់ Tiger Street នាព្រឹកនេះបានឲ្យដឹងថា ការមកចូលរួមទស្សនាក្នុងកម្មវិធីបាល់ទាត់មួយនេះជាលើកទី២ហើយ។ សម្រាប់ការមកដល់ជាថ្មីរបស់ក្រុមហ៊ុន Tiger ក្នុងខេត្តកំពង់ចាមលើកនេះ ហាក់ប្លែកភ្នែកជាងឆ្នាំមុនទៅទៀត ចំពោះនិស្សិតស្រីខាងលើនេះ ព្រោះការរៀបចំតុបតែងឆាក និងស្តង់នានា ក៏ដូចកន្លែងប្រកួតស្អាតទំនើប។ យុវតីវ័យ២០ឆ្នាំរូបនេះ ចង់ឲ្យមានកម្មវិធីបាល់ទាត់ Tiger Street បែបនេះលើកក្រោយៗជារៀងរហូត ដើម្បីជាកម្សាន្ត និងបង្កើនបរិយាកាសអ៊ូអរបន្ថែមទៀតដល់ខេត្តមួយនេះ។
អ្នកគាំទ្របាល់ទាត់ Tiger Street ម្នាក់ទៀត រឿន ដុល្លា លើកឡើងមិនខុសគ្នាអ្នកមុនដែរ ពេលមកមើលការប្រកួតបាល់ទាត់ពានរង្វាន់មួយនេះ គឺសប្បាយរីករាយ ជាការកម្សាន្តប្លែកម្យ៉ាងដែរ ហើយក៏ ចង់មើលការរៀបចំឆាក ក៏ដូចចង់ចូលរួមលេងល្បែងកម្សាន្តនានាយកឱកាសនេះផងដែរ។ ចំពោះការប្រគំតន្ត្រីនាយប់នេះក៏ថា នឹងមកទស្សនាទៀតផងដែរ។
សម្រាប់ការប្រកួតមណ្ឌល កំពង់ចាម នៃពានរង្វាន់ Tiger Street Football Festival 2018 ធ្វើឡើងរយៈពេល២ថ្ងៃគឺ ២៤-២៥ ខែកុម្ភៈ ឆ្នាំ២០១៨ ខណៈក្រុមដែលត្រូវបានឡើងទៅភ្នំពេញបន្តនាខែក្រោយនោះ គឺបានរហូតដល់ទៅ៦ក្រុមឯណោះ៕