CR7 បង្កការចាប់អារម្មណ៍ អត់ទាត់១១ម៉ែត្រ តែឲ្យ Benzema ជាអ្នកស៊ុតយប់មិញ

2018-02-25 01:29:36
ចំនួនមតិ 0 | ចំនួនចែករំលែក 0

ចន្លោះមិនឃើញ

វាជារឿងគួរឲ្យចាប់អារម្មណ៍មួយដែលតារាលេខ៧ Cristiano Ronaldo ត្រូវបានគេដឹងយ៉ាងច្បាស់ជាកីឡាករដែលទទួលបន្ទុកទាត់បាល់ពិន័យ១១ម៉ែត្រប្រចាំក្លឹប Real Madrid ប៉ុន្តែយប់មិញមិនស៊ុតខ្លួនឯងទេដោយផ្តល់ឲ្យមិត្តរួមក្រុម Karim Benzema ទាត់វិញនៅពេល Real Madrid ឈ្នះ Alaves ៤-០។

យប់មិញនេះជាការប្រកួតប្រជុំដោយជើងខ្លាំងទាំង៣នាក់ដែលហៅកាត់ថា BBC គឺ Benzema, Bale និង Cristiano ដែលបានលេងជុំគ្នា បន្ទាប់ពីខកខានបែបនេះជាយូរមកហើយ និងជាឱកាសចែកគ្នារកគ្រាប់បាល់។ Real Madrid បានព្យាយាមវាយសម្រុកតាំងពីដើមវគ្គទី១រហូតដល់នាទីទី៤៤ទើបបំបែកពង់មាន់របស់ Alaves បានដោយ Ronaldo ដែល Assist ដោយ Benzema។ ដើមវគ្គទី២ Gareth Bale រកបានគ្រាប់ទី២ឲ្យ Real នាទីទី៤៦ និង Ronaldo រកបានគ្រាប់ទី២របស់ខ្លួននៅនាទី៦១ដើម្បីនាំមុខ ៣-០។

ចុងវគ្គទី២ ខ្សែការពាររបស់ Alaves បានបង្កកំហុសលើ Bale ដែលជំរុញឲ្យអាជ្ញាកណ្តាលផ្តល់បាល់ពិន័យ១១ម៉ែត្រដល់ Real Madrid។ ពេលនោះអ្នកគាំទ្រស្ទើរគ្រប់គ្នាប្រាកដក្នុងចិត្តថាជាឱកាសរបស់ Ronaldo ស៊ុតបាល់ពិន័យ១១ម៉ែត្រដើម្បីបាន Hat-trick ប៉ុន្តែរូបគេបែរជាមិនស៊ុតខ្លួនឯង ហើយផ្តល់ឲ្យ Benzema ស៊ុតបានសម្រេច។ ការប្រកួតនេះ Ronaldo ជាប្រធានក្រុមដោយសារ Ramos របួស៕