ការសិក្សាមួយបង្ហាញថា មនុស្សភ្លេចច្រើន មានប្រាជ្ញាខ្ពស់
- 2018-02-25 08:51:46
- ចំនួនមតិ 0 | ចំនួនចែករំលែក 0
ការសិក្សាមួយបង្ហាញថា មនុស្សភ្លេចច្រើន មានប្រាជ្ញាខ្ពស់
ចន្លោះមិនឃើញ
តើអ្នកយល់ថាអ្នកកំពុងភ្លេចរឿងច្រើន ឬ មិនចាំសូម្បីទើបទុករបស់នៅកន្លែងណាៗ?
អ្នកអាចមានអារម្មណ៍មិនល្អ ឬ ប្រហែលជាស្តីបន្ទោសដល់ខ្លួនឯងទៀតទៅនឹងភាពកម្សោយដោយគ្រាន់តែចងចាំរឿងតិចតួចសោះក៏ធ្វើមិនបាន។ តែការសិក្សាមួយអាចជាដំណឹងល្អ ថាខួរក្បាលអ្នកមិនអន់ដូចការគិតរបស់អ្នកទេ។
ការសិក្សាថ្មីមួយ ដែលបានចុះផ្សាយដោយ Indy100 របស់សារព័ត៌មាន The Independent ដែលមានមូលដ្ឋាននៅអង់គ្លេស បានបង្ហាញថា មនុស្សភ្លេចច្រើន មានប្រាជ្ញាខ្ពស់។
Paul Frankland និង Blake Richards នៃសាកលវិទ្យាល័យតូរ៉ុនតូ (University of Toronto) ប្រទេសកាណាដា បានធ្វើការសិក្សានេះហើយបានរកឃើញថាមនុស្សដែលព្យាយាមចងចាំអ្វីគ្រប់យ៉ាង តែងតែមានការពិបាកក្នុងការធ្វើសេចក្ដីសម្រេចចិត្តធំៗ។
ក្នុងបទសម្ភាសន៍ទូរទស្សន៍ CNN ដ៏ល្បីល្បាញរបស់ពិភពលោក Richards បាននិយាយថា "វាជារឿងសំខាន់ ដែលខួរក្បាលមនុស្សភ្លេចព័ត៌មានលំអិត ដែលមិនទាក់ទង ហើយវានឹងអាចជួយឲ្យគេអាចផ្តោតលើការសំរេចចិត្តនានាក្នុងពិភពជាក់ស្តែង"។
វិធីម្យ៉ាងទៀតដើម្បីបកស្រាយការរកឃើញនេះ គឺថា "ការប្រកួតប្រជែងទិន្នន័យ"។ បានន័យថាប្រសិនបើអ្នកព្យាយាមរក្សាព័ត៌មានច្រើនពេក អាចធ្វើឲ្យបាត់បង់ការផ្តោតអារម្មណ៍។ ប្រភពខាងលើបន្ត។
ការសន្និដ្ឋាននេះត្រូវបានធ្វើឡើងបន្ទាប់ពីអ្នកស្រាវជ្រាវបានធ្វើការសិក្សាទៅលើទិន្នន័យ ស្តីពី ការបាត់បង់ការចងចាំ និង សកម្មភាពខួរក្បាល របស់មនុស្ស និង សត្វ។
ការសិក្សាដដែលបានរកឃើញថានៅពេលដែលមនុស្សមិនព្យាយាមចងចាំរឿងរ៉ាវចាស់ៗច្រើនពេក នោះខួរក្បាលមនុស្សនឹងមានឃ្លាំងគ្រប់គ្រាន់ដើម្បីផ្ទុកព័ត៌មានថ្មី ហើយអាចឲ្យគេមានសក្ដានុពលក្នុងការសំយោគគំនិតថ្មី ផ្អែកលើការចងចាំរបស់ខ្លួន ដើម្បីបត់បែនទៅនឹងស្ថានភាពថ្មីៗ បានលឿន និង ឆាប់រហ័ស៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
