កីឡាករថ្លៃបំផុតរបស់ Man City ប៊ិះចាប់អាជីពបាល់អោប កុំបានឪពុកឃាត់ទាន់

2018-03-11 03:33:27
ចំនួនមតិ 0 | ចំនួនចែករំលែក 0

ចន្លោះមិនឃើញ

Aymeric Laporte ទើបបានចុះកុងត្រាជាមួយ Man City កាលពីខែមុនពីក្លឹប Athletic Bilbao តម្លៃ ៥៧ លានផោន (ប្រហែលជិត ៨០ លានដុល្លារ) ជាតម្លៃថ្លៃជាងគេក្នុងប្រវត្តិសាស្ត្ររបស់ក្លឹប មានមូលដ្ឋាននៅទីក្រុង Manchester ។

ខ្សែការពាររួបនេះមានឪពុកជាអ្នកលេងបាល់អោបដ៏ឆ្នើមម្នាក់។ កើតនៅភាគខាងត្បួងប្រទេសបារាំង ជាកន្លែងដែលមានសក្តានុពលខាងកីឡាបាល់អោប ប៉ុន្តែលោក Lionel ដែលជាឪពុកបានប្រាប់ទៅកូនប្រុសថា បាល់អោបជាកីឡាឈឺខ្លួន។ ដូច្នោះហើយ កីឡាករកម្ពស់ ១,៩១ ម៉ែត្របានផ្តោតលើកីឡាបាល់ទាត់កាលពីកុមារភាពនៅសាលារៀន។

រាត្រីនេះ កីឡាករសញ្ជាតិបារាំងនឹងចូលរួមជាមួយក្រុមផ្ទៃមេឃ ប្រកួតវគ្គផ្ដាច់ព្រ័ត្រ Carabao Cup ជាមួយកាំភ្លើងធំដើម្បីបង្កើតប្រវត្តិសាស្រ្តឲ្យអ្នកស្រុក Agen ប្រទេសបារាំងរបស់លោក ដែលល្បីខាងបាល់អោប ហើយនៅពេលនេះពួកគេមាន Laporte ដែលជាវីរបុរសបាល់ទាត់។

បើតាម Dailymail មូលហេតុដែល Pep Guardiola ហ៊ានចាយធំលើកីឡាវ័យក្មេងរូបនេះ គឺ ក្រៅពីកាយសម្បទាមាំមួន និង កម្លាំង Laporte វ័យ២៣ឆ្នាំត្រូវបានគ្រូបង្វឹកសញ្ជាតិអេស្ប៉ាញមើលឃើញពីសក្តានុពល ដែលអាចគាំទ្រក្លឹបនៅតំបន់កណ្តាល ហើយអាចលេងបាល់ដេញពីក្រោមទៅ ដូចកាលដែលធ្លាប់បណ្តុះ Gerard Pique នៅ Barcelona។ ក្រៅពីនេះ ប្រភេទកីឡាករដែល លោក Guardiola ទិញ ត្រូវល្អទាំងល្បឿន និង សមត្ថភាពឆក់បាល់ ក្នុងនោះមានដូចជា៖ Ilkay Gundogan, Leroy Sane, Gabriel Jesus, Kyle Walker និង Bernardo Silva៕

ប្រភព៖ Dailymail ប្រែសម្រួល៖ សុខ លាងហ៊ត