នុះ! Neymar របួស អាចនឹងខកខានជួយ PSG ប៉ះ Real នៅ UCL ជើងទីពីរ
- 2018-02-26 02:52:09
- ចំនួនមតិ 0 | ចំនួនចែករំលែក 0
នុះ! Neymar របួស អាចនឹងខកខានជួយ PSG ប៉ះ Real នៅ UCL ជើងទីពីរ
ចន្លោះមិនឃើញ
តារាឆ្នើមរបស់ Paris Saint-Germain កីឡាករ Neymar ត្រូវបានសែងចេញពីទីលានក្នុងវគ្គទីពីរ ក្នុងជំនួប PSG ឈ្នះ Marseille ៣-០ កាលពីយប់មិញ ដោយសាររបួសកជើង។
កីឡាករវ័យ២៦ បានប៉ះទង្គិចជាមួយខ្សែបម្រើ Marseille កីឡាករ Bouna Sarr នៅនាទី៧៦ ដោយគេព្យាយាមដណ្ដើមបាល់គ្នា តែភ្លាត់ជំហរក៏គ្រេចក៏ជើងខ្លួនឯង ធ្វើឲ្យមានការឈឺចាប់ជាខ្លាំងលើទីលាន។ ភ្លាមៗ គ្រូពេទ្យបានមកពិនិត្យបណ្ដោះអាសន្នលើទីលាន បន្ទាប់មកក៏សែងចេញព្រោះអាការៈធ្ងន់មិនអាចលេងបានទៀត។
PSG ក៏បង្ខំចិត្តលេងទាំងគ្នា១០នាក់ ត្បិតប្ដូរកីឡាករអស់៣នាក់រួចមកហើយ។ តាមសេចក្ដីរាយការណ៍ជំហានដំបូងពីមន្ទីរពេទ្យ ផ្ដល់សញ្ញាថាវិជ្ជមាន ប៉ុន្តែត្រូវរងចាំ៤៨ម៉ោងទៀតសិន ដើម្បីឲ្យដឹងច្បាស់ពីរបួស Neymar និងត្រូវសម្រាករយៈពេលប៉ុណ្ណា។ តាមការរំពឹងទុក ប្រសិនរបួសមិនធ្ងន់ធ្ងរកីឡាករប្រេស៊ីលរូបនេះត្រូវសម្រាកអវត្តមាន១ប្រកួត ដើម្បីត្រៀមខ្លួនជួយក្រុមនៅ UCL។
Neymar's status for #PSG against Real Madrid will be in question after this nasty ankle injury ... pic.twitter.com/krFQTavVgG
— Goal (@goal) February 25, 2018
ចំពោះរបួសនេះបានបង្កក្ដីបារម្ភដល់អ្នកចាត់ការ Unai Emery និងមិត្តរួមក្រុម PSG ជាច្រើននាក់ ព្រោះខ្លាច Neymar ជាមិនទាន់ មិនអាចជួយក្រុមសងសឹក Real Madrid ជើងទីពីរ UCL នៅថ្ងៃទី ៦ ខែ មីនាខាងមុខ ដោយជើងទី១ពួកគេចាញ់ ៣-១ រួចមកហើយ៕