ទាយមើល Man Utd កាច់ចង្កូម Chelsea បានប៉ុន្មានលើក តាំងពីជំនាន់ Sir Alex ចប់ទៅ?

2018-02-26 11:39:50
ចំនួនមតិ 0 | ចំនួនចែករំលែក 0

ចន្លោះមិនឃើញ

តាំងពីអ្នកចាត់ការ Alex Ferguson បានចូលនិវត្តន៍កាលពីពាក់កណ្ដាលឆ្នាំ ២០១៣ មក ក្លឹប Manchester United ធ្លាប់ឈ្នះតោខៀវ Chelsea តែពីរលើកប៉ុណ្ណោះ។

គិតចាប់ពីលោក Ferguson បានឈប់ដឹកនាំក្លឹបបិសាចក្រហម ក្លឹបបានជួបក្លឹបតោខៀវចំនួនសរុប១១លើក ក្នុងនោះ ១០ប្រកួត ជាជំនួបក្នុង Premier League និងមួយប្រកួតទៀតក្នុងកម្មវិធី FA Cup។ ក្នុងជំនួបទាំងនេះ ក្លឹបបិសាចក្រហមចាញ់ Chelsea ដល់ទៅ ៥លើក និងស្មើចំនួន ៤ដង។ ទើបតែប្រកួតក្នុងថ្ងៃទី ១៦ មេសា ២០១៧ (ឈ្នះ ២-០) និងយប់មិញប៉ុណ្ណោះ (ឈ្នះ ២-១) ដែលក្លឹបអាចយកជ័យជំនះលើក្លឹបដែលមានមូលដ្ឋានទីក្រុងឡុងដុងបាន ហើយ ២ប្រកួតនេះទៀតសៀតសុទ្ធតែស្ថិតក្រោមការដឹកនាំរបស់អ្នកចាត់ការ Jose Mourinho ដែលខ្លួនឯងផ្ទាល់ធ្លាប់ជាអ្នកចាត់ការតោខៀវ។

សូមបញ្ជាក់ផងដែរថា តាំងពីលោក Ferguson បានចូលនិវត្តន៍មក មានអ្នកចាត់ការ ៤រូបហើយ ដែលបានដឹកនាំក្លឹបបិសាចក្រហម ក្នុងនោះ David Moyes (២០១៣-មេសា ២០១៤), Ryan Giggs (មេសា ២០១៤-ឧសភា ២០១៤), Louis van Gaal (២០១៤-២០១៦) និងលោក Jose Mourinho (ពាក់កណ្ដាល ២០១៦-បច្ចុប្បន្ន)៕