ត្រូវ១ម៉ាត់ពី G-Dragon តារាចម្រៀង Sandara Park សម្រេចដូរការតែងមុខភ្លាម

2018-02-26 13:32:34
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅក្នុងកម្មវិធី Onstyle Get It Beauty២០១៧ តារាចម្រៀង Sandara បានតម្រូវឲ្យចែករំលែកវិធីសាស្ត្រនៃការតុបតែងមុខ។ ដូចនេះ តារាស្រីស្រស់ Sandara សម្រេចចិត្តបង្ហាញស្ដាយតុបតែងបែបធម្មជាតិ ដែលជាការណែនាំរបស់ G-Dragon។

នៅមុនការផ្លាស់ប្ដូររបៀបតុបតែងមុខនេះ តារាចម្រៀង Sandara Park សារភាពថា នាងធ្លាប់ត្រូវតារាចម្រៀង G-Dragon ក្នុងក្រុម BIG BANG បង្អាប់លេង ពេលដែលនាងបានទៅលេខក្លឹបរាត្រីមួយនាពេលកន្លងមក។"ខ្ញុំបានទៅលេងក្លឹបក្នុងស្ដាយតុបតែងមុខបែបក្រាស់ៗ។ ហើយលោក G-Dragon បានថាឲ្យខ្ញុំថា តើមាននរណាចូលលេងក្លឹបក្នុងសភាពផាត់មុខក្រាស់ៗបែបនេះទេ។ វាមើលទៅមិនសមឡើយ"។

ដូច្នេះ ចាប់តាំងពីពេលនោះមក តារាចម្រៀង Sandara ក៏ប្ដូរជាផាត់មុខបែបស្រាលៗលក្ខណៈធម្មជាតិវិញ។ "ការតុបតែងមុខស្ដាយបែបនេះ ទោះជារាងរញ៉េរញ៉ៃបន្តិច តែមើលទៅពិតជាស្រស់ស្អាត"។ Sandara ថ្លែង។

គូរបញ្ជាក់ផងដែរថា កម្មវិធី Onstyle Get It Beauty២០១៧ គឺជាកម្មវិធីសម្រស់តារាកូរ៉េ ដែលតែងអញ្ជើញតារាកូរ៉េ និងអ្នកជំនាញផាត់មុខល្បីៗ មកបង្ហាញពីអាថ៌កំបាំងតុបតែងមុខ៕

ប្រភព៖ Koreaboo ប្រែសម្រួល៖ សុខហ៊ុយ