ជើងខ្លាំងនៅ Atletico ២នាក់ផ្លាស់ទៅលេងក្លឹបចិន ដែលទើបឡើងមកថ្មី
- 2018-02-27 02:07:50
- ចំនួនមតិ 0 | ចំនួនចែករំលែក 0
ជើងខ្លាំងនៅ Atletico ២នាក់ផ្លាស់ទៅលេងក្លឹបចិន ដែលទើបឡើងមកថ្មី
ចន្លោះមិនឃើញ
កីឡាករក្លឹប Atletico Madrid ២រូបរួមមាន Yannick Carrasco និង Nico Gaitan បានបំពេញការផ្ទេររួចរាល់ ផ្លាស់ទៅលេងក្លឹប Dalian Yifang ដែលទើបឡើងមក Chinese Super League រដូវកាលនេះ។
Atletico បានប្រកាសពីព័ត៌មានពីការចាកចេញរបស់កីឡាករទាំងពីរកាលពីថ្ងៃច័ន្ទ ម្សិលមិញ។ ក្លឹបបានសរសេរថា៖ "Yannick Carrasco បានសម្រេចផ្លូវការផ្ទេរទៅក្លឹប Dalian Yifang ក្នុងលីគកំពូលចិន។ ខ្សែបម្រើបែលហ្ស៊ិករូបនេះចូលរួមជាមួយ Atletico Madrid កាលពីថ្ងៃទី ១៩ ខែ កក្កដា ឆ្នាំ ២០១៥ បង្ហាញខ្លួនបាន១២៤ប្រកួត រកគ្រាប់បាល់បាន២៣គ្រាប់ និងបញ្ជូនឲ្យដៃគូទាត់បញ្ចូលទីបាន១៧គ្រាប់។ រដូវកាលនេះគេបង្ហាញខ្លួនបាន២៨ប្រកួតឲ្យក្លឹប"។
តាមការឲ្យដឹង Carrasco នឹងទទួលបាន៨,៨លានផោនក្នុងមួយឆ្នាំនៅក្លឹបថ្មី។ ចំណែក Gaitan ដែលមិនសូវជាប់បាលលេងរដូវកាលនេះក៏បានផ្ទេរទៅ ក្លឹប Dalian Yifang ជាមួយ Carrasco ដែរ។ សម្រាប់តម្លៃខ្លួនអ្នកទាំងពីរ Atletico មិនបានបង្ហាញទេ តែកាសែតអេស្ប៉ាញបានចេញថា Carrasco មានតម្លៃខ្លួន២៦,៥លានផោន និង Gaitan ១៥,៨លានផោន។
Chinese Super League រដូវកាល២០១៨ នឹងចាប់ផ្ដើមប្រកួតពីចុងសប្ដាហ៍ទៅហើយ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
