ត្រឹមវ័យ២២ឆ្នាំ បុស្បា សត្យាលីវអាន មានជំនាញសិល្បៈរាប់ភ្លេច

2018-02-27 23:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ចម្រៀងមហោរី បាសាក់ យីកេ ភ្លេងខ្មែរបុរាណ កំណាព្យ ចម្រៀងសម័យ ជាសមត្ថភាព ដែលនៅក្នុងខ្លួនតារាចម្រៀងវ័យក្មេង បុស្បា សត្យាលីវអាន ។

ជាមនុស្សម្នាក់ដែលមានជំនក់ចិត្ត និងស្រលាញ់អាជីពជាអ្នកចម្រៀងតាំងពីវ័យក្មេងមក បុស្បា សត្យាលីវអាន បានប្រាប់ Sabay ថា ដំបូងឡើយលោកចង់ក្លាយជាអ្នកចម្រៀង សម័យម្នាក់ ប៉ុន្តែដោយសារ ឪពុករបស់លោកស្រឡាញ់ចម្រៀងបុរាណក៏បញ្ជូនខ្លួនឲ្យទៅហាត់ច្រៀងនៅក្នុងក្លឹបសិល្បៈបុរាណមួយ តាំងពីលោកអាយុ១០ឆ្នាំ។ អាចមកពីលោកមានសំឡេងល្អជាប់មកពីកំណើត បើទោះជាមិនសូវ មាននិស័្សយចម្រៀងបុរាណ ក៏លោកនៅតែអាចធ្វើបាន។

សត្យាលីវអាន ហាត់ច្រៀងនៅក្នុងក្លឹប

«ពីក្មេងខ្ញុំចូលចិត្តការច្រៀងចម្រៀងសម័យទេ តែដោយសារប៉ារបស់ខ្ញុំគាត់ចូលចិត្តចម្រៀងបុរាណគាត់ឲ្យខ្ញុំទៅហាត់ចម្រៀងបុរាណ ពេលគាត់ដឹងថាខ្ញុំចូលចិត្តច្រៀង។ ការហាត់លំបាកតែខ្ញុំខំរៀនទៅក៏មានភាពប្រសើរឡើងវិញ»។ លោកប្រាប់។ ក្នុងឆ្នាំ ២០១១ បុស្បា សត្យាលីវអាន បានជាប់ជយលាភីលេខ១ក្នុងកម្មវិធីប្រឡងចម្រៀង "មរតវប្បធម៌ខ្មែរ"។

សត្យាលីវអាន និងក្រុមគ្រួសារ

ក្រោយពី ទទួលបានជយលាភីហើយ កំលោះសង្ហារូបនេះបាន បង្ហាញវត្ថមានក្នុងកម្មវិធី បុណ្យជាតិនិងព្រឹត្តិការណ៍ ជាតិជាច្រើនដោយសម្ដែងចម្រៀងបុរាណ។ លីវអាន បានបន្តថា៖ «ផ្នែកចម្រៀងបុរាណខ្ញុំអាចច្រៀងបានជាច្រើនទម្រង់ ខ្ញុំអាចច្រៀង ចម្រៀងមហោរី បាសាក់ យីកេ ភ្លេងខ្មែរបុរាណ កំណាព្យ ចម្រៀងសម័យ ខ្ញុំអត់ចេះតែស្មូត ទេបង! មកពីគ្មានគ្រូបង្រៀន តែខ្ញុំក៏ចង់រៀនដែរ»។

ក្រោមការលើកទឹកចិត្តពីក្រុមគ្រួសារ តារាចម្រៀងប្រចាំផលិតកម្ម M រូបនេះ មិនត្រឹមតែមានសំឡេងពីរោះនោះទេតែលោកក៏ជាមនុស្សម្នាក់ដែលអាចតែងនិពន្ធបានទៀតផង។ ម្ចាស់បទ "អូនខ្លាចបាត់បង បងខ្លាចបាត់បងគេ" បានបន្តថាកត្តាដែលធ្វើឲ្យលោកអាចឈានជើងចូលក្នុងផលិតកម្ម នេះដោយសារលោកតែង តែច្រៀងលេងក្នុង ហ្វេសប៊ុក ធ្វើឲ្យម្ចាស់ផលិតកម្ម មើលឃើញ លោកក៏បានចូលច្រៀងក្នុងឆ្នាំ២០១៦។

កំលោះសង្ហា បុស្បា សត្យាលីវអាន ជាអ្នកភ្នំពេញ ដែលមានឪពុក ជាមន្រ្តីយោធា និង ម្តាយអ្នកលក់គ្រឿងចម្លាក់ លោកជាកូនទី២ ក្នុងចំណោមបងប្អូន ៣ នាក់ ស្រី២នាក់និងប្រុសម្នាក់។

អ្នកចម្រៀងដ៏មានសមត្ថភាពវ័យ ២២ឆ្នាំរូបនេះ ក៏អាច លេងតន្រ្តីឧបករណ៍បានដូចជា ព្យាណូ និង ហ្គីតា ហើយបច្ចុប្បន្នក៏ជាមន្រ្តីជាប់ឈ្មោះបម្រើការងារនៅក្នុងអគ្គនាយកដ្ឋាន ពន្ធដារផងដែរ៕

អត្ថបទ៖ ច្រឹក ស្រីអូន

រូបភាពផ្ដល់សិទ្ធដោយ បុស្បា សត្យាលីវអាន