ប្លែក! ម្ដាយកីឡាករថៃម្នាក់ឲ្យកាដូកណ្ដុរអាំង ក្រោយកូនការពារខ្សែក្រវាត់ WBC បានសម្រេច
- 2018-02-27 07:32:12
- ចំនួនមតិ 0 | ចំនួនចែករំលែក 0
ប្លែក! ម្ដាយកីឡាករថៃម្នាក់ឲ្យកាដូកណ្ដុរអាំង ក្រោយកូនការពារខ្សែក្រវាត់ WBC បានសម្រេច
ចន្លោះមិនឃើញ
កីឡាករប្រដាល់សកលថៃ Srisaket Sor Rungvisai បានការពារខ្សែក្រវាត់ WBC super flyweightបានសម្រេច ក្រោយយកឈ្នះកីឡាករម៉ិកស៊ិកJuan Francisco Estrada ក្នុងទឹកដីសហរដ្ឋអាមេរិកកាលពី២ថ្ងៃមុន។
បន្ទាប់ពីបញ្ចេញស្នៀតកណ្ដាប់ដៃអស់១២ទឹក ចៅក្រមទាំង៣បានផ្ដល់ពិន្ទុ ១១៤-១១៤, ១១៥-១១៣ និង ១១៧-១១១ ដោយប្រគល់ជ័យជម្នះដល់ Srisaket ជាអ្នកឈ្នះ។ ជោគជ័យនេះបានធ្វើឲ្យកីឡាករថៃវ័យ៣១ បង្កើនកំណត់ត្រា ឈ្នះ៤៥ ចាញ់៤ ស្មើ១ (ផ្ដួលដៃគូសន្លប់៤០ដង)។
បញ្ចប់ការប្រកួតអ្នកប្រដាល់កើតក្នុងខេត្ត Srisaket ជាប់ដីខ្មែររូបនេះនិយាយថា Juan Francisco ប្រឹងប្រែងវាយខ្លាំង ប៉ុន្តែគេដឹងថាគេនឹងឈ្នះការប្រកួតនេះ។ គេមានទឹកចិត្តវាយដោយសារមានការគាំទ្រពីប្រទេសថៃ។ មកដល់ស្រុកកំណើតនៅថ្ងៃនេះ ម្ដាយ Srisaket បានជូនកាដូពិសេសមួយដល់កូន។ ម្ដាយ Srisaket មកដល់ព្រលានយន្តហោះអន្តរជាតិប្រទេសថៃ Suvanarbhumi ដោយកាន់កណ្ដុរអាំងទុកជូនកូន ដែលជាអាហារដែលគេចូលចិត្ត៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
