ក្ដៅៗ! គ្រូ PSG ចេញមុខបកស្រាយរឿងNeymar សម្រេចវះកាត់មុខរបួស
- 2018-02-27 14:12:57
- ចំនួនមតិ 0 | ចំនួនចែករំលែក 0
ក្ដៅៗ! គ្រូ PSG ចេញមុខបកស្រាយរឿងNeymar សម្រេចវះកាត់មុខរបួស
ចន្លោះមិនឃើញ
អម្បាញ់មិញនេះ អ្នកចាត់ការក្លឹប PSG លោក Unai Emery បានចេញមុខបដិសេធរបាយការណ៍ចុះផ្សាយសារព័ត៌មានជាច្រើនដែលថា Neymar នឹងធ្វើការវះកាត់របួសកជើងរបស់ខ្លួន ហើយនឹងអវត្តមានរយៈពេល ២ខែ។
លោក Emery បាននិយាយថា៖ "របាយការណ៍ទាំងហ្នឹងសុទ្ធតែជារឿងមិនពិត។ តាមពិតទៅ មិនទាន់មានសេចក្ដីសម្រេចចិត្តណាមួយស្ដីពីការវះកាត់ត្រូវបានធ្វើឡើងនោះទេ។ ឥឡូវយើងកំពុងតាមដានស្ថានភាពរបស់គេ (Neymar)” ។
ទោះជាយ៉ាងណា អ្នកចាត់ការសញ្ជាតិអេស្ប៉ាញរូបនេះ បានសារភាពថា៖ "វាជាការពិតដែល គេអាចនឹងមិនបានចូលលេងក្នុងប្រកួត Champions League ពេលប៉ះ Real Madrid នាថ្ងៃខាងមុខ"។
ខ្សែប្រយុទ្ធ Neymar បានរងរបួស ក្នុងការប្រកួតប៉ះជាមួយ Marseille កាលពីយប់ថ្ងៃអាទិត្យកន្លងទៅនេះ។ ក្រោយធ្វើការពិនិត្យរួចរាល់មក ក្លឹប PSG កាលពីយប់ថ្ងៃច័ន្ទ បានប្រកាសថា កីឡាករប្រេស៊ីលបានរងរបួសគ្រេច កជើងស្ដាំ និង ប្រេះឆ្អឹងទី ៥ នៃប្រអប់ជើង។ បន្ទាប់ពីមានការប្រកាសនេះ មានសារព័ត៌មានល្បីៗជាច្រើនបានចុះផ្សាយពាក្យចចាមអារ៉ាមជាច្រើនដែលថា Neymar បានសម្រេចចិត្តក្នុងការវះកាត់មុខរបួស ដែលការណ៍នេះនឹងធ្វើឲ្យកីឡាករប្រេស៊ីលអវត្តមានមិនបានជួយក្រុមរយៈពេល ២ខែ៕