Van Gaal ដៀលក្លឹបចាស់ Man Utd ចំៗ ក្រោយលែងលះគ្នាជិត ២ឆ្នាំ
- 2018-02-28 12:59:42
- ចំនួនមតិ 0 | ចំនួនចែករំលែក 0
Van Gaal ដៀលក្លឹបចាស់ Man Utd ចំៗ ក្រោយលែងលះគ្នាជិត ២ឆ្នាំ
ចន្លោះមិនឃើញ
អតីតអ្នកចាត់ការក្លឹប Manchester United លោក Louis van Gaal ក្នុងថ្ងៃនេះ បាននិយាយថា ក្លឹបជាក្លឹបរកស៊ី ខុសពីក្លឹប Bayern Munich ដែលជាក្លឹបគិតគូរពីបាល់ទាត់។
នៅពេលសួរថា លោកនៅស្រលាញ់ក្លឹប Bayern Munich ទៀតទេ លោក Van Gaal បានថ្លែងប្រាប់សារព័ត៌មាន Sport Blidថា៖ "ហ្នឹងហើយ ប្រាកដណាស់។ ក្លឹបចាស់ខ្ញុំ Manchester United គឺជាក្លឹបរកស៊ីសុទ្ធសាធ ខុសពីក្លឹប Bayern Munich"។
អ្នកចាត់ការសញ្ជាតិហុល្លង់រូបនេះបន្ត៖ "ប្រធានធំៗនៅក្លឹប Bayern គឺលោក Karl-Heinz Rummenigge និង Uli Hoeness សុទ្ធតែធ្លាប់ជាអតីតកីឡាករបាល់ទាត់ ដូច្នេះពួកគេទាំងពីរដឹងច្បាស់ពីបាល់ទាត់។ ចំពោះពួកគេ បាល់ទាត់គឺជារឿងសំខាន់បំផុត មិនមែនលុយទេ ដែលខុសពីក្លឹប Manchester United ដែលគិតរឿងលុយជាធំ។ អ៊ីចឹងហើយបានខ្ញុំ នៅស្រលាញ់ Bayern"។
សូមបញ្ជាក់ផងដែរថា លោកអ្នកចាត់ការ Louis van Gaal ធ្លាប់ដឹកនាំក្លឹបយក្សអាល្លឺម៉ង់ Bayernពីឆ្នាំ ២០០៩ ដល់ ២០១១ និង ក្លឹបបិសាចក្រហម ពី ២០១៤ ដល់ ២០១៦៕