iPhone គាំងត្រីវិស័យ កុំទាន់ Restore ម៉ាស៊ីន

2018-03-02 23:33:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធី Compass ឬទ្រនិចត្រីវិស័យ អ្នកប្រើប្រាស់ iPhone ភាគច្រើននិយមប្រើប្រាស់វា តែបើថ្ងៃមួយអ្នកជួបបញ្ហាគាំងកណ្ដាលផ្លូវស្ងាត់ឬនៅក្នុងព្រៃ ពិតណាស់ដែលអ្នកនឹងគ្មានអ៊ីនធឺណិតឬពេលវេលាគ្រប់គ្រាន់សម្រាប់ Restore ម៉ាស៊ីនថ្មី បែបនេះអាចសាកល្បងវិធី ២ ផ្សេងទៀត ត្រឹមមួយពព្រិចភ្នែក នឹងទទួលបានលទ្ធផលដូចចិត្ត។

១.កែប្រែ Location Services លើឧបករណ៍:

កម្មវិធី Compass ចាំបាច់ត្រូវការដឹងពីទីតាំងដែលអ្នកកំពុងឈរ និយាយជាសាមញ្ញគឺដំណើរការមុខងារ Location Service
ចូលទៅ Settings > Privacy
ចុចយក Location Services > អូសមករក Compass
រើសយកពាក្យ Whilse Using the App
ធ្វើការបិទបើកកម្មវិធីសាកល្បងម្តងទៀត

២.ដោះស្រោម (Case) ទូរសព្ទចេញ:

ក្រុមហ៊ុន Apple បានរចនា iPhone ដោយភ្ជាប់នូវ Sensor ឲ្យឈ្មោះ Megnetometer អនុញ្ញាតឲ្យកម្មវិធី Compass អាចដំណើរការទៅបាន ប៉ុន្តែបើអ្នកមានប្រើ Case ដែលជាពពួកដែកឆក់ សម្រាប់ចាប់ជាប់នឹងរថយន្តឬវត្ថុអ្វីមួយ បែបនេះវាក៏ជាដើមចមនៃបញ្ហា
ដោះចោលនូវប្រភេទស្រោមនោះចេញពីទូរសព្ទ ហើយកម្មវិធី Compass នឹងដំណើរការឡើងវិញ។