ឃើញតែចាញ់រហូត ឥឡូវកាំភ្លើងធំ Arsenal ជាប់ឈ្មោះមួយបាត់!
- 2018-03-02 13:09:24
- ចំនួនមតិ 0 | ចំនួនចែករំលែក 0
ឃើញតែចាញ់រហូត ឥឡូវកាំភ្លើងធំ Arsenal ជាប់ឈ្មោះមួយបាត់!
ចន្លោះមិនឃើញ
តាំងពីចូលឆ្នាំ ២០១៨មក ក្លឹបឡុងដុង Arsenal ហាក់បានបង្ហាញទម្រង់លេងយ៉ាប់យឺន ដោយបានជាប់ឈ្មោះជាក្លឹប Premier League ដែលចាញ់ច្រើនប្រកួតជាងគេ តាំងពីឆ្នាំថ្មីនេះចូលមកដល់។
ក្លឹបកាំភ្លើងធំ បានចាញ់សរុប ៧ប្រកួតហើយ (គ្រប់កម្មវិធីទាំងអស់) តាំងពីឆ្នាំ ២០១៨ ឈានចូលមកដល់ ដែលនេះធ្វើឲ្យក្លឹបជាប់ឈ្មោះជាក្លឹបក្នុងលីគកំពូលអង់គ្លេសដែលចាញ់ច្រើនប្រកួតជាងគេបំផុតក្នុងឆ្នាំនេះ។
ក្លឹបដែលមានមូលដ្ឋាននៅឡុងដុងក៏បាន ស្មើពីរប្រកួតផងដែរ ដែល ពីរប្រកួត នោះសុទ្ធប៉ះជាមួយក្លឹបតោខៀវ Chelsea (១ ក្នុង Premier League និង ១ទៀតនៅក្នុងកម្មវិធី League Cup)។
ដូច្នេះមានន័យថា ក្លឹបកាំភ្លើងបានឈ្នះ ត្រឹមតែ ៤ប្រកួត ប៉ុណ្ណោះ (ក្នុងនោះ ២ប្រកួត Premier League ១ប្រកួត League Cup និង ១ប្រកួតទៀត Europa League) ក្នុងចំណោម ១៣ប្រកួតចុងក្រោយ នៃអំឡុងពេលជាង ៦០ថ្ងៃនេះនៃឆ្នាំថ្មី ។
បន្ថែមពីលើនេះ ក្នុងវគ្គ ១៦ក្រុម នៃEuropa League ក្លឹបត្រូវបានចាប់គូប៉ះក្លឹប AC Milan ដែលជាក្លឹបមិនទាន់ស្គាល់ពាក្យថាចាញ់តាំងពីចុងខែធ្នូឆ្នាំ ២០១៧មក។
ជាមួយនឹងលទ្ធផលមិនសូវល្អនេះ មានរបាយការណ៍ជាច្រើនដែលថា ក្លឹបកាំភ្លើង កំពុងសម្លឹងរកអ្នកចាត់ការថ្មី ជំនួសលោកអ្នកចាត់ការចាស់វស្សា Arsene Wenger។ កាលពីពេលថ្មីៗនេះ លោកអ្នកចាត់ការសញ្ជាតិបារាំងក៏ទទួលស្គាល់ផងដែរថា ខ្លួនគឺត្រឹមតែជាបុគ្គលិករបស់ Arsenalប៉ុណ្ណោះ ដូច្នេះអនាគតរបស់ខ្លួន ស្ថិតក្នុងដៃរបស់ក្លឹប៕